હમાસે ઇઝરાયેલ મહિલા સૈનિકનો વીડિયો જાહેર કર્યો, દીકરીને જોઈને પરિવારજનો આશ્ચર્યમાં; જૂઓ
- મહિલાને હમાસે 7 ઓક્ટોબર, 2023ના રોજ યહૂદી રાજ્ય પર તેના હુમલા પછી બંધક બનાવી હતી
તેલ અવીવ, 05 જાન્યુઆરી: હમાસે 19 વર્ષીય મહિલા ઇઝરાયેલ સૈનિકનો એક વીડિયો જાહેર કર્યો છે જેને તેણે 7 ઓક્ટોબર, 2023ના રોજ યહૂદી રાજ્ય પર તેના હુમલા પછી બંધક બનાવી હતી. આ મહિલા સૈનિકને એક વર્ષ કરતાં વધુ સમયથી હમાસ દ્વારા કેદ કરવામાં આવી છે. ઇઝરાયેલ ડિફેન્સ ફોર્સિસ (IDF) સર્વેલન્સ સૈનિક લિરી અલબાગને 7 ઓક્ટોબર, 2023ના રોજ ગાઝા સરહદ નજીક નાહલ ઓઝ લશ્કરી બેઝ પર તૈનાત કરવામાં આવ્યા હતા, જ્યારે હજારો હમાસ આતંકવાદીઓ ઇઝરાયેલી પ્રદેશમાં પ્રવેશ્યા હતા અને નરસંહાર કર્યો હતો.
🚨‼️🇵🇸🇮🇱Hamas release video of Israeli hostage, LIRI ALBAG.
She looks safe and healthy, even gain some weight. All you have to do is release 9,500 of Palestinian hostages kept by terrorist Israel and cease all fire against Palestinian and give a two state solution.All hostages… pic.twitter.com/BBDZaiFV0D
— Iqbal Hossain (@yki_niassoh) January 4, 2025
સ્થાનિક અહેવાલ મુજબ, હમાસે લિરી અલબાગ અને અન્ય છ સૈનિકોને બંધક બનાવ્યા હતા, જ્યારે 7 ઓક્ટોબરના હુમલામાં 15 સૈનિકો માર્યા ગયા હતા. સાડા ત્રણ મિનિટના લાંબા અનડેટેડ વીડિયોમાં, લિરી અલબાગે કહ્યું કે, તેણી 450 દિવસ કરતાં વધુ સમયથી હમાસની કેદમાં છે અને આરોપ મૂક્યો કે, ઇઝરાયેલી સરકાર તેને અને અન્ય બંધકોને ભૂલી ગઈ છે. અલબાગે હિબ્રૂમાં કહ્યું કે “હું માત્ર 19 વર્ષની છું. મારી સામે મારું આખું જીવન છે, પણ હવે મારું આખું જીવન થંભી ગયું છે.
મહિલાના પરિવારે પોતાની ભાવના વ્યક્ત કરી
હમાસ દ્વારા પકડવામાં આવેલા છ સર્વેલન્સ સૈનિકોમાંથી, એકને IDF દ્વારા બચાવી લેવામાં આવ્યો હતો, જ્યારે બીજાની હમાસ કેદમાં હત્યા કરવામાં આવી હતી. અલબાગ અને અન્ય ચાર બંધકો હજુ પણ જીવિત છે અને હમાસની કેદમાં છે. લિરી અલબાગના પરિવારે એક વીડિયો સ્ટેટમેન્ટ જાહેર કરીને કહ્યું કે, હમાસ દ્વારા જાહેર કરવામાં આવેલી વીડિયો ક્લિપથી ‘અમારા હૃદયના ટુકડા થઈ ગયા છે’. પરિવારે કહ્યું કે, ‘આ અમે ઓળખીએ છીએ તે દીકરી અને બહેન નથી. વીડિયોમાં તેને જોઈને સ્પષ્ટ થાય છે કે તેના પર ગંભીર માનસિક અને શારીરિક ત્રાસ ગુજારવામાં આવી રહ્યો છે.
“Liri, if you’re hearing us, tell the others that all the families are moving heaven and earth. We will fight until all hostages are returned”
Eli and Shira Albag , Liri Albag’s Parents, called the Prime Minister and Defense Minister, after watching her video from captivity,… pic.twitter.com/Y9xAh47W7O
— Bring Them Home Now (@bringhomenow) January 4, 2025
લિરી અલબાગના પરિવારે ઇઝરાયેલના વડાપ્રધાન બેન્જામિન નેતન્યાહુને તેમની પુત્રીની સુરક્ષિત મુક્તિ સુનિશ્ચિત કરવા અપીલ કરી હતી અને કહ્યું કે, કોઇપણ નિર્ણય લેતી વખતે ધ્યાનમાં રાખો કે હમાસ દ્વારા બંધક બનાવાયેલા ઇઝરાયેલના નાગરિકો તમારા પોતાના બાળકો અને પરિવારના સભ્યો છે. બંધકોના પરિવારો દ્વારા સમાધાન કરવાના તીવ્ર દબાણ વચ્ચે નેતન્યાહુએ અલબાગ પરિવારને જવાબ આપ્યો અને કહ્યું કે, તેમની સરકાર બંધકોને ઘરે લાવવા માટે અથાક મહેનત કરી રહી છે.
વડાપ્રધાન નેતન્યાહુએ શું કહ્યું?
વડાપ્રધાન નેતન્યાહુએ કહ્યું કે, ‘જે કોઈ પણ અમારા બંધકોને નુકસાન પહોંચાડવાની હિંમત કરે છે તે પોતાના ભાગ્ય માટે જવાબદાર હશે.’ સામાન્ય રીતે, ઇઝરાયેલી મીડિયા હમાસ દ્વારા મુક્ત કરાયેલા બંધકોના ફોટોગ્રાફ્સ અને વીડિયો પ્રકાશિત કરવાનું ટાળે છે સિવાય કે બંધકોના પરિવારજનો તેમને મંજૂરી ન આપે. અલબાગના પરિવારે પણ શરૂઆતમાં તેમની પુત્રીનો વીડિયો મીડિયામાં રજૂ કરવાનો ઇનકાર કર્યો હતો, પરંતુ બાદમાં તેની સંમતિ આપી હતી. ઉલ્લેખનીય છે કે, ઈઝરાયેલ હમાસ દ્વારા બંધકોના વીડિયો અને ફોટોગ્રાફ્સ જાહેર કરવાને મનોવૈજ્ઞાનિક યુદ્ધ ગણાવે છે.
આ પણ જૂઓ: લંડનમાં બેઠેલા ગેંગસ્ટરના ઈશારે ગેંગ વોર શરૂ કરવાની ફિરાકમાં રહેલા 7 શૂટરોની ધરપકડ
