રાજકોટઃ સૌરાષ્ટ્ર પ્રીમિયર લીગની બીજી સિઝનમાં આજે બીજા દિવસે કચ્છ વોરિયર્સ અને હાલાર હીરોઝ વચ્ચે શાનદાર મેચ યોજાઈ હતી. જેમાં હાલાર હીરોઝે પ્રથમ બેટિંગ કરી હતી. 20 ઓવરમાં 3 વિકેટ ગુમાવી ચોગ્ગા-છગ્ગાના સાથે હાઈએસ્ટ 197 રન બનાવ્યાં હતા. આ મેચમાં કચ્છ વોરિયર્સ સામે હાલાર હિરોઝનો 43 રને શાનદાર વિજય થયો હતો.
આ મેચમાં કચ્છ વોરિયર્સે ટોસ જીતી પ્રથમ બોલિંગ કરવા નિર્ણય કર્યો હતો. જેની સામે હાલાર હીરોઝ ટીમે પ્રથમ બેટિંગમાં 20 ઓવરમાં 3 વિકેટ ગુમાવી હાઇએસ્ટ 197 રન બનાવ્યા હતા. ત્યારે કચ્છ વોરિયર્સ ટીમે 20 ઓવરમાં 8 વિકેટ ગુમાવી 154 રન બનાવ્યા હતા અને હાલાર હીરોઝ ટીમનો 43 રને ભવ્ય વિજય થયો હતો. વિજેતા ટીમમાં સ્નેલ પટેલે 50 બોલમાં 13 ચોગ્ગા મદદથી 81 રન બનાવ્યા હતા અને આજની મેચના ‘મેન ઓફ ધ મેચ’ તરીકે તેમને જાહેર કરવામાં આવ્યા હતા.
SPLની સિઝન 2માં IPL જેવા જ આકર્ષણ ઉમેરવામાં આવ્યા છે. જેમાં ડી.જે.નો તાલ ઉપરાંત ચીયર લીડર્સ સહિતનો સમાવેશ કરવામાં આવ્યો છે. આ સિવાય મેચ દરમિયાન પણ સુમધુર સંગીતની સૂરાવલીઓ પણ વહેતી રહી હતી.
