વાળનો વ્યવસાય: વાળ વેચીને લાખો રૂપિયા કેવી રીતે કમાય છે લોકો ?

HD ન્યૂઝ ડેસ્ક, ૩૦ ડિસેમ્બર: લોકો પાસેથી કમાવા માટે ઘણા રસ્તાઓ તો સાંભળ્યા જ હશે, પરંતુ શું તમે જાણો છો કે સલૂનમાં તમે જે વાળ કાપો છો તે વેચાય છે. હા, ભારતમાં વાળ વેચવાનો બિઝનેસ કરોડો રૂપિયાનો છે. એટલું જ નહીં મંદિરોમાં દાનમાં આપેલા વાળ પણ વેચાય છે. ભારતમાં કરોડો રૂપિયાનો વાળનો બિઝનેસ છે. આજે પણ ભારતીય મહિલાઓના લાંબા વાળ આખી દુનિયામાં પસંદ કરવામાં આવે છે. તે જ સમયે, તેમની કિંમત પણ ઘણી વધારે છે. કારણ કે ભારતીય મહિલાઓના વાળમાં વધારે કેમિકલ જોવા મળતું નથી.

ધીમેં ધીમે લોકો પોતાનો બિઝનેસ કરી રહ્યાં છે, ત્યારે આજકાલ એક નવા વ્યવસાયે માઝા મૂકી છે, લોકો ઘરે બેઠા જ હજારો કમાઈ રહ્યાં છે, તમને જાણીને નવાઈ લાગશે કે આ કોઈ બીજો બિઝનેસ નહીં પણ પોતાના જ શરીર ના જ એક અંગ વેચીને કરવામાં આવી રહ્યો છે. વ્યવસાય કરનાર વ્યક્તિ કોઈપણ વસ્તુ સાથે વેપાર કરી શકે છે. પરંતુ શું તમે ક્યારેય વિચાર્યું છે કે તમને દુકાન પર જે હેરકટ મળે છે તેની કિંમત લાખોમાં છે.

શરીરના કેટલાક ભાગો એવા હોય છે જે ખૂબ જ ઝડપથી વિકાસ પામે છે. આ ભાગોમાં નખ અને વાળ મુખ્ય છે. જેનું કટિંગ દર અઠવાડિયે અને મહિને એક વ્યક્તિ કરે છે. પરંતુ શું તમે ક્યારેય વિચાર્યું છે કે વ્યક્તિ વાળ વેચીને લાખો રૂપિયા કમાઈ શકે છે. એક નિષ્ણાતે કહ્યું કે લાંબા વાળની ​​કિંમત વધારે હોય છે. ઘણીવાર પુરુષો લાંબા વાળ મેળવી શકતા નથી, તેથી સ્ત્રીઓના વાળની ​​માંગ વધુ હોય છે.

વાળની ​​કિંમત પણ તેની ગુણવત્તા અને લંબાઈના આધારે નક્કી કરવામાં આવે છે. જેમ કે, જેની લંબાઈ આઠથી 12 ઈંચ હોય તેવા વાળની ​​કિંમત 8 થી 10 હજાર રૂપિયા પ્રતિ કિલો છે. જોકે, એવું જરૂરી નથી કે તમામ પ્રકારના વાળનો ઉપયોગ કરવામાં આવે, ઉદાહરણ તરીકે, શહેરમાંથી એકત્ર કરાયેલા કુલ વાળમાંથી 95 ટકા વાળ નકામા હોય છે, જેમાંથી 22 કિલોના માત્ર પાંચ ટકા વાળ ખાસ ગુણવત્તાના હોય છે.

આ પણ વાંચો…પીરિયડ ક્રેમ્પ્સને સાયકોલોજિકલ ગણાવતા ટ્રોલ થઈ આ જાણીતા બોલિવૂડ અભિનેતાની પુત્રી, જાણો શું કહ્યું