ગુજરાતના ગરબા યુનેસ્કો દ્વારા અમૂર્ત સાંસ્કૃતિક વારસો જાહેર થાય તેવી શક્યતા
- બોત્સવાનામાં યોજાશે સાંસ્કૃતિક વારસો જાહેર કરવા માટેનો કાર્યક્રમ
- આ નિમિત્તે છ ડિસેમ્બરે સાંજે અરવલ્લી કલેક્ટર દ્વારા મોડાસામાં ગરબાનું આયોજન
અરવલ્લી, 05 ડિસેમ્બર: ભારતમાંથી અમૂર્ત સાંસ્કૃતિક વારસો (ICH) તત્વ તરીકે ‘ગુજરાતના ગરબા’ નું નામાંકન યુનેસ્કો ની માનવતાની પ્રતિનિધિ યાદીમાં અમૂર્તની સુરક્ષા માટેની આંતર-સરકારી સમિતિના અઢારમા સત્રમાં અંકિત થવાની સંભાવના છે. બોત્સવાના પ્રજાસત્તાકના કસાનેમાં 6 ડિસેમ્બર 2023ના રોજ સાંસ્કૃતિક વારસાનું આયોજન કરવામાં આવ્યું છે. ગુજરાતના ગરબા આ યાદીમાં સામેલ થનાર ભારતનું 15મું ICH તત્વ બનશે. જેની ખુશીમાં અરવલ્લી જિલ્લા તંત્ર દ્વારા પણ મોડાસા ખાતે તારીખ 6 ડિસેમ્બરની રાત્રે ગરબાનું આયોજન કરવામાં આવ્યું છે.
આવતીકાલે સાંજે મોડાસા ખાતે બોત્સવાનાથી લાઈવ વેબકાસ્ટ કરવામાં આવશે
ગુજરાત ગરબાની ભૂમિ હોવાને કારણે અને યુનેસ્કો શિલાલેખને રાષ્ટ્રીય ગૌરવની બાબત ગણીને, ગુજરાત સરકાર આ માઈલસ્ટોનને ઉજવવા માટે ‘ગરબા’ ઈવેન્ટનું આયોજન કરવામાં આવ્યું છે. જે અંતર્ગત અરવલ્લી જિલ્લામાં મોડાસા ખાતે ભામાશા હોલ ખાતે સ્થાનિક સમુદાયો અને સંબંધિત સાંસ્કૃતિક સંસ્થાઓ અને જાહેર જનતા સાથે આવતીકાલે 6 ડિસેમ્બર, 2023 ના રોજ સમગ્ર કાર્યક્રમનું સાંજે 6:00 PM થી 9 PM IST કલાકે બોત્સ્વાના ખાતેથી લાઇવ વેબકાસ્ટ કરવામાં આવશે.
View this post on Instagram
કલેક્ટરે અરવલ્લી જિલ્લા વાસીઓને આમંત્રણ પાઠવ્યું
અમૃત સાંસ્કૃતિક વારસા અંતર્ગત કલેક્ટરે આમંત્રણ આપતાં કહ્યું કે, ‘આપણે સૌ સાથે મળીને આ ગૌરવની ક્ષણને નિહાળીશું, આ કાર્યક્રમમાં જાહેર જનતાને અરવલ્લી વહીવટી તંત્ર તરફથી તારીખ ૬ ડિસેમ્બર ૨૦૨૩, સાંજે ૫:૦૦ કલાકે, ભામાશા હોલ, મોડાસા અરવલ્લી ખાતે પધારવા આમંત્રણ પાઠવીએ છીએ’.
આ પણ વાંચો: આણંદ: 56 ગામોના તમામ લાભાર્થીઓને આભા કાર્ડ વિતરણ કરાયા
