નેપાળમાં ફરી ધરતી ધ્રૂજી, રિક્ટર સ્કેલ પર 5.2ની તીવ્રતાનો ભૂકંપ

નેપાળમાં ફરી એકવાર ભૂકંપના આંચકા અનુભવાયા છે. મળતી માહિતી મુજબ, સવારે દોલાખા જિલ્લાના સૂરીમાં મધ્યમ તીવ્રતાનો ભૂકંપ નોંધાયો હતો. અહીંના નેશનલ સિસ્મોલોજીકલ સેન્ટરના જણાવ્યા અનુસાર કાઠમંડુથી 180 કિમી પૂર્વમાં ડોલાખા ખાતે સવારે 11.27 વાગ્યે 5.2ની તીવ્રતાનો ભૂકંપ નોંધાયો હતો.

ઓખાલધુંગા, રામેછાપ, સિંધુપાલ ચોક અને નુવાકોટ જિલ્લા તેમજ કાઠમંડુ ખીણમાં ભૂકંપના આંચકા અનુભવાયા હતા. જો કે ભૂકંપના કારણે કોઈ નુકસાન કે જાનહાનિના સમાચાર નથી.

અગાઉ, કાઠમંડુથી 130 કિમી પશ્ચિમમાં આવેલા ગોરખા જિલ્લામાં સવારે 3.19 વાગ્યે 4.2ની તીવ્રતાનો ભૂકંપ નોંધાયો હતો. એપ્રિલ 2015માં નેપાળમાં 7.8ની તીવ્રતાનો વિનાશક ભૂકંપ આવ્યો હતો. આ દરમિયાન લગભગ 9,000 લોકો માર્યા ગયા અને લગભગ 22,000 લોકો ઘાયલ થયા. ભૂકંપે 800,000થી વધુ ઘરો અને શાળાની ઇમારતોને નુકસાન પહોંચાડ્યુ છે.