ગુજરાત : ડાંગમાં કમોસમી વરસાદથી ખેડૂતોની ચિંતા વધી, આ શહેરોમાં માવઠાની આગાહી

• સુરત શહેરનું મહત્તમ તાપમાન 38.2 ડિગ્રી, લઘુતમ તાપમાન 23.7 ડિગ્રી
• દક્ષિણ ગુજરાતમાં માવઠાની આગાહી હવામાન વિભાગ દ્વારા કરવામાં આવી
• ડાંગ, વલસાડ અને દમણ દાદરા નગર હવેલીમાં કમોસમી વરસાદની આગાહી

ગુજરાતમાં કેટલાક જિલ્લામાં ચાર દિવસ કમોસમી વરસાદની આગાહી વચ્ચે આજે ડાંગ જિલ્લામાં વરસાદી છાંટા પડયા હતા. જ્યારે સુરત સહિત દક્ષિણ ગુજરાતમાં માવઠાની આગાહી હવામાન વિભાગ દ્વારા કરવામાં આવી હતી.

દક્ષિણ ગુજરાતના ડાંગ જિલ્લાના વાતાવરણમાં પલટો જોવા મળ્યો

હવામાન વિભાગે ગીર સોમનાથ, અમરેલી, ભાવનગર, નર્મદા, તાપી, નવસારી, ડાંગ, વલસાડ અને દમણ દાદરા નગર હવેલીમાં કમોસમી વરસાદની આગાહી કરી છે. રાજ્યના છેવાડે આવેલ દક્ષિણ ગુજરાતના ડાંગ જિલ્લાના વાતાવરણમાં પલટો જોવા મળ્યો હતો. સવારથી જ વાદળછાયું વાતાવરણ નોંધાયું હતું.

સુરત શહેરનું મહત્તમ તાપમાન 38.2 ડિગ્રી, લઘુતમ તાપમાન 23.7 ડિગ્રી

સુરત શહેરનું મહત્તમ તાપમાન 38.2 ડિગ્રી, લઘુતમ તાપમાન 23.7 ડિગ્રી, હવામાં ભેજનું પ્રમાણ 17 ટકા, હવાનું દબાણ 1006.1 મિલીબાર અને ઉત્તર દિશામાંથી કલાકના આઠ કિ.મીની ઝડપે પવન ફૂંકાયા હતા. અમદાવાદમાં 6 દિવસ બાદ સરેરાશ મહત્તમ તાપમાન 40 ડિગ્રીને પાર થયું છે. હવે આગામી પાંચ દિવસ દરમિયાન તાપમાન 41 ડિગ્રીને પાર થતાં ગરમીમાં હજુ પણ વધારો થઈ શકે છે. હવામાન વિભાગ દ્વારા આવતીકાલથી બે દિવસ પોરબંદર, ભાવનગર, ગીર સોમનાથ, દીવ હીટ વેવની આગાહી કરવામાં આવી છે.

આ પણ વાંચો: ગાંધીનગર : વ્યાયામ શિક્ષકોની સચિવાલય બહાર ઉગ્ર રજૂઆત, અનેકની અટકાયત કરાઇ