રાજ્યમાં ઠંડીના વાતાવરણ વચ્ચે બે દિવસ વરસાદની આગાહી, આ વિસ્તારમાં પડશે વરસાદ

ગુજરાત રાજ્યમાં હાલ ઠંડી અને ગરમી એમ બેવડી ઋતુનો અનુભવ થઈ રહ્યો છે ત્યારે હવે વરસાદી માહોલ પણ છવાયેલો જોવા મળે છે. હવામાનની આગાહી મુજબ વાતાવરણમાં પલટો આવતા નવસારીના વાસંદા વિસ્તાર ખાતે વરસાદી ઝાપટા પડ્યા હતા. ત્યારે આ ઝાપટા બાદ હવે હમાન વિભાગે દક્ષિણ ગુજરાતમાં બે દિવસ વરસાદની આગાહી કરી છે ત્યારે હવે ઠંડી અને ગરમીના વાતાવરણ વચ્ચે હવે વરસાદ પણ વરસતા જગતનો તાતને નુકસાનની ભિતી સેવાય રહી છે.

બે દિવસ વરસાદની આગાહી

દક્ષિણ ગુજરાતના વાતાવરણમાં પલટો આવતા નવસારી જિલ્લાના વાંસદા તાલુકાના ટાઉન ખડકાલા સર્કલ સહિતના અનેક વિસ્તારોમાં વરસાદી ઝાપટાં પડ્યા હતા . જેના કારણે વાતાવરણમાં ઠંડક પ્રસરી ગઈ હતી. ગત રાત્રીના સમયે અચાનક વાતાવરણ બદલાવા લાગ્યુ હતુ જે બાદ વરસાદ પડતા ખેડૂતોમાં પણ ચિંતા વધી છે. તેમજ હવામાન વિભાગે દક્ષિણ ગુજરાતમાં હજુ બે દિવસ વરસાદની આગાહી કરતા કરી છે. ત્યારે સ્થાનિક ખેડૂતોનાં નાગલી, ડાંગર જેવા પાંકોને નુકસાન થવાની ભીતિ વ્યાપી રહી છે.

બેવડી ઋતુના માહોલ વચ્ચે વાદળછાયું વાતાવરણ

ગુજરાતમાં વાદળછાયું વાતાવરણ જોવા મળી રહ્યુ છે ત્યારે રાજ્યમાં પ્રવાસન માટે જાણીતા ડાંગ વિસ્તારમાં પણ વાતાવરણમાં પલટો આવતાં આહલાદક દ્રશ્યો સર્જાયા છે. તેમજ ગિરિમથક સાપુતારા સહિત તળેટી વિસ્તારમાં વાતાવરણમાં પલટો આવ્યો છે. વાતાવરણ બદલાતા ઠંડીનો ચમકારો વધ્યો છે. તો તેની સાથે વરસાદની પણ ભીતી સેવાય રહી છે.જેના લીધે બેવડી ઋતુનો અનુભવ થઈ રહ્યો છે. વહેલી સવારે ગુલાબી ઠંડીનો અહેસાસ થાય છે. જ્યારે બપોર થતાં આકરા તાપને કારણે ગરમીનો અહેસાસ થાય છે.

નવેમ્બરની શરુઆતથી ઠંડી પણ શરુ

દિવાળી બાદ હવે ઠંડી માટે પણ તૈયાર થઈ જવુ પડશે. નવેમ્બરની શરુઆતથી ઠંડીની પણ શરુઆત થઈ જશે ત્યારે વેમ્બરની શરૂઆતથી ઠંડીનો અહેસાસ થવા લાગશે. તેમજ ઓક્ટોબર મહિનાના અંત સુધી બેવડી ઋતુનો અહેસાસ થશે. આ શિયાળની ઋતુમાં તાપમાનમાં કોઈ મોટા ઉત્તર ચડાવ નહીં રહે. દર વર્ષે શિયાળામાં ઠંડીનો અનુભવ થતો હોય, તેવો આ શિયાળો રહેવાનું અનુમાન છે. ઝાકળનું પ્રમાણ મધ્યમ રહેશે અને શિયાળાની શરૂઆત નબેમ્બરના પહેલા સપ્તાહથી જઈ જશે.

આ પણ વાંચો ; ગુજરાતમાં કમોસમી વરસાદથી ખેડૂતો ચિંતાતુર બન્યા, મગફળીના પાકને મોટું નુકસાન