મધ્યપ્રદેશમાં ગુજરાતના CM ભૂપેન્દ્ર પટેલનો પ્રચંડ પ્રચાર, સરકારની યોજનાઓની પ્રશંસા

ગુજરાતના મુખ્યમંત્રી ભૂપેન્દ્ર પટેલે મધ્યપ્રદેશમાં પ્રચંડ પ્રચાર કર્યો. ખરગોનમાં સીએમ ભૂપેન્દ્ર પટેલે જાહેરસભા સંબોધી હતી.આ દરમિયાન તેમણે કેન્દ્ર  અને મધ્યપ્રદેશ સરકારની વિવિધ યોજનાઓની પ્રશંસા કરી હતી.  સરકારની કામગીરીના વખાણ કરતા ભૂપેન્દ્ર પટેલે કહ્યું કે નરેન્દ્ર મોદીએ વિકાસની રાજનીતિનો નવો ઈતિહાસ લખ્યો છે. તેમણે કહ્યું કે પહેલાની જેમ જાતિના આધારે ચૂંટણી લડવાને બદલે મોદીએ વિકાસનો નવો ‘ચૂંટણી મંત્ર’ આપ્યો છે. તેમણે કહ્યું કે રેકોર્ડ બ્રેકિંગ GST કલેક્શનનો અર્થ એ છે કે દેશમાં રોજગાર અને બિઝનેસ સારી રીતે ચાલી રહ્યા છે.

• મધ્યપ્રદેશના ખરગોનમાં મુખ્યમંત્રી ભૂપેન્દ્ર પટેલની જાહેરસભા
• ભાજપનો ઉમેદવારો માટે મુખ્યમંત્રીનો ચૂંટણી પ્રચાર
• કેન્દ્ર અને રાજ્ય સરકારની યોજનાઓની કરી પ્રશંસા
• બધા લોકો મોદી સાહેબ સાથે જ રહેશેઃ મુખ્યમંત્રી ભૂપેન્દ્ર પટેલ

ગુજરાતના મુખ્યમંત્રીએ આજે ​​નંદગાંવ બાગુડમાં ખરગોનથી ભારતીય જનતા પાર્ટીના ઉમેદવાર બાલકૃષ્ણ પાટીદારના સમર્થનમાં ચૂંટણી રેલીને સંબોધી હતી. તેમણે કહ્યું કે નરેન્દ્ર મોદીએ વિકાસની રાજનીતિનો નવો ઈતિહાસ લખ્યો છે. તેમણે કહ્યું કે પહેલા ચૂંટણી જાતિના આધારે લડવામાં આવતી હતી પરંતુ નરેન્દ્ર મોદીએ સબકા સાથ, સબકા વિશ્વાસ અને સબકા પ્રયાસના રૂપમાં નવો ‘ચૂંટણી મંત્ર’ આપ્યો છે.

તેમણે કહ્યું કે ભૂતકાળમાં કોંગ્રેસની કેન્દ્ર અને રાજ્ય સરકારો લોકોના કામમાં વિલંબ કરતી હતી અને અવરોધો ઊભી કરતી હતી. પરંતુ નરેન્દ્ર મોદીના નેતૃત્વમાં સામાન્ય માણસના વિકાસને પ્રાથમિકતા આપવામાં આવી હતી. તેમણે કહ્યું કે મધ્યપ્રદેશના લોકો માને છે કે જો ભાજપ છે, વિકાસ છે, વિશ્વાસ છે, સુશાસન છે અને ઉજ્જવળ ભવિષ્યનો સંકલ્પ છે. તેમણે કહ્યું કે નમોના નેતૃત્વમાં ભાજપ દરેક શોષિત પીડિત અને વંચિત વ્યક્તિને પોતાનો પરિવાર માને છે. તેમનો ‘કાર્યમંત્ર’ સુશાસન અને જનસેવાનો છે, હૃદયમાં સેવા હશે તો સુશાસન ચોક્કસ આવશે. તેથી શિલાન્યાસ અને ઉદ્ઘાટન માત્ર ભાજપ જ કરે છે. તેમણે કહ્યું કે કોવિડ જેવી મહામારી પછી પણ વિકાસ માટે ભંડોળની કોઈ અછત નથી.

आज मध्यप्रदेश के चुनावी अभियान के तहत नीमच ज़िले के मनासा मतक्षेत्र के भारतीय जनता पार्टी के प्रत्याशी श्री माधव मारु के समर्थन में विशाल जनसभा को संबोधित किया।एक बात स्पष्ट है कि राज्य में जब डबल एंजिन की सरकार हो तो प्रदेश का विकास सर्वाधिक रुप से होता है। pic.twitter.com/DS1D3Gtc52

— Bhupendra Patel (@Bhupendrapbjp) November 7, 2023

તેમણે કહ્યું કે તાજેતરમાં 1.78 લાખ કરોડ રૂપિયા જીએસટી એકત્ર કરવામાં આવ્યો છે. મતલબ કે ધંધો પણ સારો ચાલી રહ્યો છે અને લોકોને રોજગાર પણ મળી રહ્યો છે. તેમજ વ્યવસાય માટે જરૂરી સુવિધાઓ પુરી પાડવામાં આવી રહી છે.

તેમણે કહ્યું કે દરેક ચૂંટણીમાં રોજગારી એ મોટો મુદ્દો હોય છે, પરંતુ મોદી ગુજરાતના મુખ્યમંત્રી અને હવે વડાપ્રધાન બનવાથી ગુજરાતને ઘણો ફાયદો થયો છે. તેમણે કહ્યું કે નરેન્દ્ર મોદીએ રોજગારી માટે 2003માં વાઈબ્રન્ટ ગુજરાતની શરૂઆત કરી હતી. ગ્લોબલ ઇન્વેસ્ટર સમિટ દ્વારા રોકાણકારો આવ્યા અને ગુજરાતનું ઇન્ફ્રાસ્ટ્રક્ચર જોયું. તેમને રસ્તા, પાણી, વીજળી અને અન્ય પ્રકારની કનેક્ટિવિટી પૂરી પાડવામાં આવી હતી અને આજે 2023માં ગુજરાત રોજગાર આપવામાં દેશમાં ટોચના સ્થાને છે.

તેમણે કહ્યું કે મધ્યપ્રદેશમાં પણ આવું જ કામ કરવામાં આવ્યું છે. હવે મધ્યપ્રદેશ BIMARU થી અજોડ રાજ્ય બની ગયું છે. પહેલા બજેટ 23,000 કરોડ રૂપિયા હતું અને આજે બજેટ 3 લાખ કરોડ રૂપિયા છે. મધ્યપ્રદેશની માથાદીઠ આવકમાં પણ લગભગ 10 ગણો વધારો થયો છે. પહેલા અહીં 64 લાખ લોકો આવતા હતા, પરંતુ હવે 9 કરોડ લોકો અહીં આવી રહ્યા છે.

તેમણે કહ્યું કે માત્ર હોસ્પિટલ ખોલવાથી કંઈ થતું નથી કારણ કે ત્યાં ડોક્ટરોની જરૂર છે. આઝાદીના છ દાયકા પછી મધ્ય પ્રદેશમાં માત્ર 5 મેડિકલ કોલેજ હતી, પરંતુ હવે તેમની સંખ્યા વધીને 25 થઈ ગઈ છે અને દર વર્ષે 4000 ડૉક્ટરો બની રહ્યા છે. તેમણે કહ્યું કે આયુષ્માન કાર્ડે દરેક ગરીબ અને મધ્યમ વર્ગના લોકોને ચિંતામુક્ત કર્યા છે.

મધ્યપ્રદેશના ચૂંટણી પ્રચાર માટે ઈન્દોર ગયેલા મુખ્યમંત્રી ભૂપેન્દ્ર પટેલે શહેરના પ્રખ્યાત બડા ગણપતિ મંદિરની મુલાકાત લીધી હતી.

आज मध्यप्रदेश के चुनावी अभियान के तहत इंदौर शहर के सुप्रसिद्ध बड़ा गणपति मंदिर में दर्शन का सौभाग्य मिला। pic.twitter.com/7NJ3dQcuE8

— Bhupendra Patel (@Bhupendrapbjp) November 8, 2023