PAK માટે જાસૂસી કરતો આરોપી પોરબંદરથી ઝડપાયો, આ રીતે મોકલતો હતો માહિતી

પોરબંદર, 23 મે : ગુજરાત ATSએ પાકિસ્તાન માટે જાસૂસી કરવાના આરોપમાં એક આરોપીની ધરપકડ કરી છે. આરોપીનું નામ જતીન ચારણીયા હોવાનું કહેવાય છે, જતીન પોરબંદરનો રહેવાસી છે અને તે વ્યવસાયે માછીમાર છે. મળતી માહિતી મુજબ, આરોપી જતિને ભારતીય કોસ્ટ ગાર્ડ અને નેવીના જહાજોની ગુપ્ત માહિતી પાકિસ્તાનને મોકલી હતી.

આરોપી જતીન પાકિસ્તાની ગુપ્તચર એજન્સીની એક મહિલાના સંપર્કમાં હતો, જેને તે ગુપ્ત માહિતી મોકલતો હતો. આરોપીનું વોટ્સએપ પાકિસ્તાનથી ઓપરેટ થતું હતું. જતિને ભારતીય નેવી અને કોસ્ટ ગાર્ડ વિશે સંવેદનશીલ માહિતી આપી હતી. તે અલગ-અલગ સોશિયલ મીડિયા દ્વારા પાકિસ્તાની ગુપ્તચર એજન્ટોના સંપર્કમાં હતો.

ગુજરાત એટીએસના ડીએસપી એસએલ ચૌધરીએ જણાવ્યું હતું કે અમને માહિતી મળી હતી કે પોરબંદરનો જતીન ચારણિયા નામનો માછીમાર પાકિસ્તાન સંચાલિત સોશિયલ મીડિયા એકાઉન્ટ ‘અદ્વિકા પ્રિન્સ’ પર માહિતી મોકલી રહ્યો છે. એક ટીમે તેના સોશિયલ મીડિયા અને ફાઇનાન્સ પર નજર રાખી અને પુરાવા એકત્રિત કર્યા. એટીએસમાં આઈપીસીની કલમ 121 (કે) અને 120 (બી) હેઠળ કેસ નોંધવામાં આવ્યો છે.

હાલમાં જ ગુજરાતની ગાંધીનગર CID ક્રાઈમ બ્રાન્ચે ભારતીય સેના વિશેની ગુપ્ત માહિતી પાકિસ્તાનને આપનાર એક વ્યક્તિની ધરપકડ કરી હતી. તેના પર ભારતીય સૈન્ય દળો દ્વારા ઉપયોગમાં લેવાતી મિસાઇલ અને ડ્રોન ટેક્નોલોજી વિશે પાકિસ્તાની એજન્સીઓને મહત્ત્વપૂર્ણ માહિતી આપવાનો આરોપ હતો. ભારતીય નાગરિકને પાકિસ્તાની એજન્સીઓએ સોશિયલ મીડિયા દ્વારા હનીટ્રેપ કર્યો હતો. એવો દાવો કરવામાં આવી રહ્યો છે. સીઆઈડી ક્રાઈમ બ્રાન્ચ છેલ્લા એક મહિનાથી આ કેસની તપાસ કરી રહી હતી.

આ પણ વાંચો : મહારાષ્ટ્રના થાણેમાં કેમિકલ ફેક્ટરીમાં પ્રચંડ વિસ્ફોટ, 6 કર્મચારીઓ ગંભીર રીતે ઘાયલ