ફિચર ડેસ્કઃ જો તમે એરટેલનું સિમકાર્ડ વાપરો કરો છો તો તમારા માટે એક ખુશખબર છે. એરટેલ તેના ગ્રાહકોને ફ્રી ડેટા આપી રહી છે. ટેલિકોમ ઓપરેટરે વપરાશકર્તાઓને 1GB ફ્રી હાઈ-સ્પીડ ઈન્ટરનેટ ડેટા મોકલવાનું શરૂ કર્યું છે, જેમાં વધુ ગ્રાહકોને આકર્ષવાનો પ્રયાસ થઈ શકે છે. જો કે, OnlyTech દ્વારા એક અહેવાલ સૂચવે છે કે, આ ઓફર માત્ર પસંદગીના લોકો માટે હતી જેઓ સ્માર્ટ પ્લાન પર છે. આવો જાણીએ એરટેલની આ ઓફર વિશે.
આ રીતે મફત 1GB ડેટાનો લાભ લો
એરટેલ પસંદગીના ગ્રાહકોને એક SMS મોકલી રહ્યું છે કે, કંપનીએ તમને ડેટા વાઉચરના રૂપમાં 1GB ડેટા મફતમાં આપ્યો છે. જો તમને આ ઓફર મળી છે, તો તમે કંપનીની સત્તાવાર એપ્લિકેશન દ્વારા તેનો દાવો કરી શકશો. ફ્રી ડેટા વાઉચર આજથી 1 જૂન સુધી માન્ય રહેશે. તેથી જો તમે હજી સુધી તેનો લાભ લીધો નથી તો તમે કંઈપણ ચૂકવ્યા વિના આ વધારાના ડેટાનો ઉપયોગ કરી શકો છો.
ડેટા વાઉચર એરટેલ થેંક્સ એપમાં કુપન સેક્શનમાં દેખાય છે. જો તમે નસીબદાર છો તો તમને તે પણ મળ્યું હશે. તેથી તમે એરટેલ એપ પર જઈને ચેક કરી શકો છો. સામાન્ય રીતે રૂ.99ના સ્માર્ટ પેક પર ઓછા રિચાર્જવાળા ગ્રાહકોને ફ્રી ડેટા વાઉચર આપવામાં આવે છે. રિપોર્ટમાં કહેવામાં આવ્યું છે કે, યોગ્ય ગ્રાહકોને 15 મિનિટની અંદર ડેટા વાઉચર મળી જશે. જો તમે પણ ફ્રી ડેટા મેળવવા માંગો છો તો તરત જ એરટેલ એપ પર જાઓ અને ચેક કરો.
