જયપુર, 02 સપ્ટેમ્બર : જયપુરમાં ડેમ તૂટવાને કારણે ડૂબી ગયેલા કબ્રસ્તાનમાંથી મૃતદેહો વહી જવાનો કિસ્સો પ્રકાશમાં આવ્યો છે. ઘણા મૃતદેહો કબરમાંથી બહાર આવ્યા અને પાણીના જોરદાર પ્રવાહમાં વહેવા લાગ્યા. આ જોઈને બધા દંગ રહી ગયા. પરંતુ લોકોએ ડહાપણ દાખવી મૃતદેહોને ગટરમાં વધુ વહેતા અટકાવ્યા હતા. સ્થાનિક લોકોએ દોરડાની મદદથી મૃતદેહોને કબરમાંથી બહાર કાઢ્યા અને ફરીથી કબરમાં દાટી દીધા.
હકીકતમાં, ખોહ નાગોરિયાં વિસ્તારમાં સોમવારે સવારે લગભગ 9 વાગ્યે, ભારે વરસાદને કારણે નૂર ડેમની દિવાલ તૂટી ગઈ હતી અને ડેમનું પાણી દરગાહની પાછળના કબ્રસ્તાનમાં પ્રવેશ્યું હતું.
मुर्दे भी बाढ के शिकार..
जयपुर के खो नागोरियान इलाके में नूर का बांध टूटा,
कब्र से शव बाहर निकल पानी में तेरने लगे
लोगों ने पानी में उतर इन शवों को निकाला #floods pic.twitter.com/7K5FwSDPMf— Bhawani Singh (@BhawaniSinghjpr) September 2, 2024
આ દરમિયાન વરસાદી પાણીના કારણે કબ્રસ્તાન સંપૂર્ણપણે બરબાદ થઈ ગયું હતું અને કબરમાંથી 5 મૃતદેહો બહાર આવ્યા હતા. અને થોડા સમય બાદ એક પછી એક મૃતદેહો પાણીના પ્રવાહમાં તરતા લાગ્યા. ઘણી મહેનત પછી લોકોએ તેમને પાછા કબરમાં દફનાવ્યા.
આ અંગે કોંગ્રેસના ધારાસભ્ય અમીન કાગ્ગીએ જણાવ્યું હતું કે, પહાડોની વચ્ચે બનેલો વર્ષો જૂનો નૂર ડેમ સોમવારે સવારે અચાનક તૂટી ગયો હતો અને તેનું પાણી વસાહતમાંથી પસાર થઈને કબ્રસ્તાન સુધી પહોંચ્યું હતું.
જેના કારણે કેટલાક મૃતદેહો ધોવાઈ ગયા હતા અને લોકો દ્વારા તેને પાંચ દફનવવામાં આવ્યા હતા. આ અંગે જયપુર કલેક્ટરને જાણ કર્યા બાદ એસડીઆરએફની ટીમને સ્થળ પર મોકલવામાં આવી છે જેથી યોગ્ય વ્યવસ્થા કરી શકાય. જેથી ભવિષ્યમાં વરસાદી ઋતુમાં આવી ઘટનાઓ ન બને.
આ પણ વાંચો : હેલીકૉપ્ટર ક્રેશ કે બીજું કઈક, આ કારણે ઈરાનના પૂર્વ પ્રમુખ રઈસીનું અવસાન થયું
