GST કલેક્શનમાં સરકારની તિજોરી છલકાઈ, નવેમ્બરમાં રૂ.1.82 લાખ કરોડ આવ્યા

નવી દિલ્હી, 1 ડિસેમ્બર : ભારતીય અર્થતંત્ર માટે એક સારા સમાચાર સામે આવ્યા છે. નવેમ્બર મહિનામાં GST કલેક્શનના આંકડામાં જબરદસ્ત વધારો થયો છે. સરકારે કહ્યું કે નવેમ્બરમાં GST કલેક્શન 8.5 ટકા વધીને રૂ.1.82 લાખ કરોડ થયું છે. નાણા મંત્રાલયના ડેટા અનુસાર એપ્રિલ-નવેમ્બરના સમયગાળા માટે કલેક્શન રૂ.14.57 લાખ કરોડ છે.

ઑક્ટોબરમાં ગ્રોસ GST કલેક્શન 9 ટકા વધીને રૂ.1.87 લાખ કરોડથી વધુ થઈ ગયું છે, જે સ્થાનિક વેચાણમાં પિકઅપ અને બહેતર પાલનને કારણે બીજા નંબરનું સૌથી વધુ કલેક્શન છે. ઓક્ટોબરમાં કેન્દ્રીય જીએસટી કલેક્શન રૂ. 33,821 કરોડ, રાજ્ય જીએસટી રૂ. 41,864 કરોડ, સંકલિત IGST રૂ. 99,111 કરોડ અને સેસ રૂ.12,550 કરોડ હતો.

આ વર્ષે એપ્રિલમાં સૌથી વધુ કલેક્શન

દેશમાં GST લાગુ થયા બાદ એપ્રિલ 2024માં સૌથી વધુ GST કલેક્શન થયું હતું, જે 2.10 લાખ કરોડ રૂપિયા હતું. આ પ્રથમ વખત હતો જ્યારે GST કલેક્શન રૂ. 2 લાખ કરોડને પાર થયું હતું.

GST 2017માં લાગુ કરવામાં આવ્યો હતો

જૂની પરોક્ષ કર પ્રણાલીને બદલીને 1 જુલાઈ, 2017ના રોજ સમગ્ર દેશમાં ગુડ્સ એન્ડ સર્વિસ ટેક્સ (GST) લાગુ કરવામાં આવ્યો હતો. આઝાદી બાદ દેશમાં આ સૌથી મોટો ટેક્સ રિફોર્મ માનવામાં આવે છે. કેન્દ્ર સરકારના કહેવા પ્રમાણે, 7 વર્ષ પહેલા લાગુ કરવામાં આવેલા GSTથી દેશના લોકો પર ટેક્સનો બોજ ઓછો કરવામાં મદદ મળી છે. સરકારે હાલમાં જ GSTને લઈને ઓફર સ્કીમ શરૂ કરી છે.

GST કાઉન્સિલની બેઠક 21 ડિસેમ્બરે યોજાશે

તમને જણાવી દઈએ કે GST કાઉન્સિલ મીટ આ મહિને પ્રસ્તાવિત છે. આ કાઉન્સિલની 55મી બેઠક હશે, જે 21 ડિસેમ્બર 2024ના રોજ રાજસ્થાનના જેસલમેરમાં યોજાશે. આ બેઠકમાં ઘણા મહત્વપૂર્ણ મુદ્દાઓ પર ચર્ચા થશે અને મોટા નિર્ણયો લેવામાં આવશે તેવી આશા છે.

આ પણ વાંચો :- ‘3 બાળકો હોવા જોઈએ’, મોહન ભાગવતના નિવેદન પર વિપક્ષે ઉઠાવ્યા સવાલ