રેલવેએ ચલાવી ‘મર્ડર એક્સપ્રેસ’, સોશિયલ મીડિયા પર વાયરલ થઈ રહી છે તસવીર
HD ન્યુઝ ડેસ્ક, 14 એપ્રિલ : ઘણી વખત ગૂગલ ટ્રાન્સલેટ દ્વારા કરાયેલા અનુવાદ અર્થની ગરબડ સર્જે છે. આવું જ કંઇક રેલવે સાથે થયું. રેલવેની ભૂલને કારણે ટ્રેનનું નામ ‘મર્ડર એક્સપ્રેસ’ પડી ગયું. ટ્રેનના નામનું બોર્ડ સોશિયલ મીડિયા પર વાયરલ થઈ રહ્યું છે. આ બોર્ડ જોયા બાદ લોકોમાં અલગ-અલગ પ્રતિક્રિયાઓ આવી રહી છે. કેટલાક લોકો આ ભૂલ માટે રેલવેને જવાબદાર ઠેરવી રહ્યા છે. કેટલાક લોકો તેને શેર કરી રહ્યા છે અને રમુજી રીતે ટિપ્પણી કરી રહ્યા છે. જો કે, બાદમાં રેલવેને પોતાની ભૂલનો અહેસાસ થતા બોર્ડને બદલી નાખ્યું.
હટિયા એક્સપ્રેસ બની મર્ડર એક્સપ્રેસ બની
હા, આ સાંભળીને તમે ચોક્કસ હસી શકશો. પરંતુ ટ્રેનનું આ બોર્ડ રેલવેનું બેદરકાર વલણ દર્શાવે છે. સોશિયલ મીડિયા પર જે ટ્રેન બોર્ડનો વીડિયો વાયરલ થઈ રહ્યો છે તે હટિયા એર્નાકુલમ એક્સપ્રેસનો છે. બોર્ડ પર હટિયાના મલયાલમ અનુવાદ તરીકે ‘કોલાપથકમ’ લખેલું છે. આ શબ્દનો હિન્દી અર્થ ‘હત્યા કરનાર’ છે.
Hatia-Ernakulam Express train’s name plate translates Hatia to ‘murder’ in Malayalam; Picture goes viral@RailMinIndia @AshwiniVaishnaw pic.twitter.com/pcOjfmvshS
— Mario David Antony Alapatt (@davidalapatt) April 12, 2024
સોશિયલ મીડિયા પર લોકો ગુસ્સામાં જોવા મળ્યા હતા
ટ્રેનના બોર્ડની તસવીર વાયરલ થયા બાદ સોશિયલ મીડિયા પર લોકો તેના પર કોમેન્ટ કરતા જોવા મળ્યા હતા. એક યુઝરે લખ્યું કે રેલવે ગૂગલ ટ્રાન્સલેટ પર ઘણો વિશ્વાસ કરે છે. અન્ય એક યુઝરે લખ્યું કે આ બોર્ડની હાજરી રેલવેનું બેદરકાર વલણ દર્શાવે છે.
રેલવેએ માફી માંગી
આ તસવીર વાયરલ થયા બાદ જ્યારે લોકોએ રેલવેને ટ્રોલ કરવાનું શરૂ કર્યું ત્યારે તેને સમજાયું કે ભૂલ થઈ ગઈ છે. રાંચી ડિવિઝનના વરિષ્ઠ ડીસીએ સ્વીકાર્યું કે મૂંઝવણ હતી. તેમણે કહ્યું કે તેઓએ અનુવાદને લઈને ભૂલ કરી છે. જોકે, હવે ખોટી નેમ પ્લેટ હટાવીને સાચી નેમ પ્લેટ લગાવવામાં આવી છે.
આ પણ વાંચો : ઈરાન V/S ઈઝરાયેલ: બંને દેશોની સેનામાં સૌથી શક્તિશાળી કોણ છે?
