UPIથી પેમેન્ટ કરવાવાળા લોકો માટે મોટા સમાચાર, 1 નવેમ્બરથી બદલાશે નિયમો
નવી દિલ્હી, 30 ઓકટોબર : Google Pay, PhonePe, Paytm દ્વારા UPI પેમેન્ટ કરનારાઓ માટે મોટા સમાચાર છે. NPCI 1 નવેમ્બર, 2024 થી UPI લાઇટમાં બે મહત્ત્વપૂર્ણ ફેરફારો કરવા જઈ રહી છે, જેનો લાભ યૂઝર્સને મળશે. 1 નવેમ્બરથી, UPI લાઇટ દ્વારા યુઝર્સ પહેલા કરતા વધુ પેમેન્ટ કરી શકશે. RBIએ UPI Liteની ટ્રાન્ઝેક્શન લિમિટ વધારી છે. તે જ સમયે, જો UPI લાઇટનું બેલેન્સ ચોક્કસ મર્યાદાથી ઓછું હોય, તો યૂઝર્સનું ખાતું ઓટોટોપ-અપ થઈ જશે. આ સાથે, UPI લાઇટ દ્વારા કોઈપણ પ્રતિબંધ વિના પેમેન્ટ કરી શકાય છે.
Google Pay, PhonePe, Paytm સહિત તમામ UPI પેમેન્ટ પ્લેટફોર્મ UPI Lite સુવિધા આપે છે. UPI Lite એ ડિજિટલ વૉલેટ છે, જે PIN અથવા પાસવર્ડ વિના નાના વ્યવહારો કરવાની સ્વતંત્રતા આપે છે. UPI Lite વૉલેટમાં નાણાં ફરી ભરવા માટે, યૂઝર્સને મેન્યુઅલી ટોપ-અપ કરવું પડશે. 1 નવેમ્બરથી નવા નિયમો અમલમાં આવ્યા બાદ યુઝર્સના વોલેટમાં ઓટોમેટિકલી ટોપ અપ થઈ જશે.
નેશનલ પેમેન્ટ કોર્પોરેશન ઓફ ઈન્ડિયા (NPCI) એ થોડા સમય પહેલા UPI Lite ફીચર લોન્ચ કર્યું છે. આ વોલેટમાં યુઝર્સને 2,000 રૂપિયા સુધી ટોપ અપ કરવાની લિમિટ મળે છે. UPI લાઇટ દ્વારા, યૂઝર્સને PIN વિના નાની પેમેન્ટ કરી શકે છે. NPCI એ 27 ઓગસ્ટ 2024 ના રોજ એક સૂચના જારી કરીને UPI લાઇટ માટે ઓટો-પે બેલેન્સ સુવિધાની જાહેરાત કરી હતી.
ઓટો-પે બેલેન્સ સર્વિસ
UPI લાઇટમાં ઓટો-પે બેલેન્સ સેવાને સક્રિય કરવા માટે, યૂઝર્સે તેને 31 ઓક્ટોબર, 2024 સુધીમાં સક્ષમ કરવું પડશે. યુઝર્સે યુપીઆઈ લાઇટ વોલેટ સાથે જોડાયેલા એકાઉન્ટમાં ન્યૂનતમ મર્યાદા સેટ કરવી પડશે. વૉલેટમાં ન્યૂનતમ રકમ પર પહોંચતાની સાથે જ વૉલેટ વપરાશકર્તાના ખાતામાંથી ઑટોમૅટિક રીતે ટૉપ-અપ થઈ જશે. NPCI એ UPI Lite માટે મહત્તમ 2,000 રૂપિયાની મર્યાદા નક્કી કરી છે. ઉપરાંત, યૂઝર્સ તેમના UPI Lite વૉલેટમાં એક દિવસમાં 5 થી વધુ ટોપ-અપ્સ કરી શકશે નહીં. જો કોઈ યૂઝર્સે ઓટો-પે બેલેન્સ સુવિધા પસંદ કરી નથી, તો તેઓ તેમના UPI Lite વૉલેટને મેન્યુઅલી ટોપ-અપ કરી શકશે.
આ પણ વાંચો : એલિયન્સ ક્યાંથી સંદેશા મોકલે છે? અમેરિકન પિતા-પુત્રીએ શોધી કાઢ્યો જવાબ
