એકતરફ Google તેના કર્મચારીઓના પગારમાં કાપ મૂકી રહ્યું છે તો બીજી તરફ Googleના CEOએ ગયા વર્ષે લગભગ 19 અબજ રૂપિયાની કમાણી કરી છે. Googleના 44 વર્ષીય ભારતીય મૂળના CEO સુંદર પિચાઈને વર્ષ 2022માં લગભગ $226 મિલિયન એટલે કે 18.54 અબજ રૂપિયાનો પગાર મળ્યો છે. આ રકમ સામાન્ય કર્મચારીના પગાર કરતાં 800 ગણી વધારે હતી. એવું કહેવામાં આવી રહ્યું છે કે Googleની કમ્પેન્સેશન કમિટીએ તેમના સીઈઓ પદ પર પ્રમોશન અને ઘણી પ્રોડક્ટ્સના સફળ લોન્ચિંગ માટે આટલો મોટો પગાર આપ્યો છે. પિચાઈના નેતૃત્વ હેઠળ, Googleએ તેની ફ્લેગશિપ એડવર્ટાઈઝિંગ અને યુટ્યુબ બિઝનેસમાંથી નફો મેળવ્યો છે. આ સમય દરમિયાન કંપનીએ મશીન લર્નિંગ, હાર્ડવેર અને ક્લાઉડ કમ્પ્યુટિંગમાં પણ રોકાણ કર્યું છે. કંપનીએ જણાવ્યું છે કે પિચાઈને સ્ટોક એવોર્ડના કારણે આટલો પગાર મળ્યો છે. તેમના પગારમાં અંદાજે $218 મિલિયન એટલે કે રૂ. 17.88 બિલિયન સ્ટોક એવોર્ડનો સમાવેશ થાય છે.
આ પણ વાંચો : Mumbai : સેક્સ રેકેટનો પર્દાફાશ, પ્રખ્યાત ભોજપુરી અભિનેત્રીની સુમન યાદવની ધરપકડ
તમને જણાવી દઈએ કે, Googleની પેરેન્ટ કંપની આલ્ફાબેટ વૈશ્વિક સ્તરે નોકરીઓમાં ઘટાડો કરી રહી છે. માઉન્ટેન વ્યૂ, કેલિફોર્નિયા સ્થિત કંપનીએ જાન્યુઆરીમાં જાહેરાત કરી હતી કે તે વિશ્વભરમાં 12,000 નોકરીઓમાં કાપ મૂકશે, જે તેના વૈશ્વિક કર્મચારીઓના 6 ટકા જેટલી છે. નોંધપાત્ર રીતે, આ મહિનાની શરૂઆતમાં સેંકડો Google કર્મચારીઓએ છટણી અંગેના વિવાદને પગલે કંપનીની લંડન ઓફિસમાંથી રાજીનામું આપ્યું હતું.
