IPL 2025ની શરૂઆતના સમાચાર Google એ પણ આપ્યા, ડુડલ બનાવી દુનિયાને કરી જાણ

નવી મુંબઈ, 22 માર્ચ : IPL 2025ની આજે 22 માર્ચથી  ભવ્ય શરૂઆત થઈ રહી છે. આ વિશ્વની સૌથી મોટી ક્રિકેટ ઇવેન્ટ છે, અને ગૂગલે પણ તેની ઉજવણી માટે તૈયારીઓ શરૂ કરી દીધી છે. ગુગલે પોતાના ડૂડલ દ્વારા દુનિયાને IPLની શરૂઆતના સમાચાર આપ્યા છે. આ વર્ષે પણ, ટુર્નામેન્ટમાં 10 ટીમો ભાગ લઈ રહી છે, અને તે 90 દિવસ સુધી ચાલશે.  આજે કોલકાતાના પ્રખ્યાત ઇડન ગાર્ડન્સ સ્ટેડિયમ ખાતે રોયલ ચેલેન્જર્સ બેંગ્લોર (RCB) અને કોલકાતા નાઈટ રાઇડર્સ (KKR) વચ્ચે પ્રથમ મેચ રમાશે.

ગૂગલ ડૂડલમાં શું ખાસ છે?

ગૂગલે તેના ડુડલમાં એક બેટ્સમેનને બોલ મારતો દર્શાવ્યો છે. બેટ્સમેન શોટ રમે કે તરત જ અમ્પાયરના હાથ ચાર રનનો સંકેત આપે છે. આ ડૂડલ IPL ની રોમાંચક શરૂઆતને સંપૂર્ણ રીતે દર્શાવે છે. IPL જેવી T20 લીગમાં બેટ્સમેનની ભૂમિકા ખૂબ જ મહત્વપૂર્ણ હોય છે. આવી ટુર્નામેન્ટમાં રનનો વરસાદ થાય છે, અને ચાહકો ચોગ્ગા અને છગ્ગાનો આનંદ માણે છે.

ડૂડલ પર ક્લિક કરવાથી IPL ની વિગતો જાહેર થાય છે. જેમ કે – કઈ ટીમો વચ્ચે મેચ રમાશે અને કયા સમયે મેચ યોજાશે. આગામી મેચો સહિતની બધી વિગતો જાહેર કરવામાં આવી છે. અંતે IPL સંબંધિત સમાચાર, IPLની સત્તાવાર વેબસાઇટ, IPLનું x હેન્ડલ, IPLનું Instagram હેન્ડલ વગેરે જેવી માહિતી આપવામાં આવી છે. એકંદરે, ગૂગલ ડૂડલ ફક્ત IPL ની શરૂઆતની ઉજવણી નથી કરી રહ્યું, પરંતુ તેનાથી સંબંધિત બધી માહિતી એક જ જગ્યાએ રજૂ કરવામાં આવશે.

આજે KKR અને RCB વચ્ચે મેચ રમાશે

મહત્વનું છે કે આ વખતે 90 દિવસ માટે ટુર્નામેન્ટમાં 10 ટીમો ભાગ લેશે. આજે કોલકાતામાં પહેલી મેચ રમાશે, અને ચાહકોને આખી સીઝન દરમિયાન રનનો વરસાદ અને રોમાંચક ક્ષણો જોવા મળશે. ગૂગલ ડૂડલ ફક્ત આ ક્રિકેટ ફેસ્ટિવલને પ્રકાશિત કરી રહ્યું નથી, પરંતુ તેને લગતી બધી માહિતી એક ક્લિકમાં ઉપલબ્ધ કરાવી રહ્યું છે.

આ પણ વાંચો :- જુમાની નમાઝ રહી ગઈ બાજુમાં, શરૂ થઈ ગઈ દે ધનાધન, પછી શું થયું?