સની દેઓલના ફેન્સ માટે ગુડ ન્યુઝ, બોર્ડર 2ની રિલીઝ ડેટ જાહેર
- આખરે બોર્ડર 2ની રિલીઝ ડેટ જાહેર થઈ ચૂકી છે અને તેમાં કેટલાક નવા કલાકારો પણ જોવા મળશે, જોકે ફિલ્મનો ભાર 100 ટકા સની દેઓલના ખભે હશે
31 જાન્યુઆરી, 2025ઃ સની દેઓલના ફેન્સ માટે સારા સમાચાર છે. અભિનેતાની આગામી ફિલ્મ બોર્ડર 2નું શૂટિંગ હાલમાં જ શરૂ થયું છે. હવે મેકર્સે ફિલ્મની રિલીઝ ડેટ જાહેર કરી છે. બોર્ડર-2 ફિલ્મ આવતા વર્ષે 2026માં 23 જાન્યુઆરીએ ધૂમ મચાવશે. દિગ્દર્શક અનુરાગ સિંહની ફિલ્મ બોર્ડર 2 માં વરુણ ધવન, દિલજીત દોસાંઝ અને અહાન શેટ્ટી પણ મુખ્ય ભૂમિકામાં છે. તે જેપી દત્તાની 1997માં આવેલી ક્રાઈમ ડ્રામા ફિલ્મ બોર્ડરની સિક્વલ બનવા જઈ રહી છે. નિર્માતાઓએ ઈન્સ્ટાગ્રામ પર સેટ પરથી ક્લેપબોર્ડની એક તસવીર શેર કરી અને બોર્ડર 2 ની રિલીઝ ડેટ 23 જાન્યુઆરી, 2026 જાહેર કરી છે.
View this post on Instagram
T-Series એ પોસ્ટ શેર કરી
રોમાંચક અપડેટ શેર કરતાં, ફિલ્મના નિર્માતા બેનર ટી-સીરીઝે લખ્યું છે, ‘બોર્ડર 2 માટે કેમેરા ચાલુ છે! સની દેઓલ, વરુણ ધવન, દિલજીત દોસાંઝ અને અહાન શેટ્ટી અભિનીત અનુરાગ સિંહ દિગ્દર્શિત આ ફિલ્મનું નિર્માણ સિનેમાના દિગ્ગજ કલાકારો ભૂષણ કુમાર, જેપી દત્તા અને નિધિ દ્વારા કરવામાં આવ્યું છે. બોર્ડર 2 દેશભક્તિ અને હિંમતની પૃષ્ઠભૂમિ પર આધારિત છે અને અનન્ય એક્શન, આકર્ષક ડ્રામા અને ભાવનાત્મક ઊંડાણ આપવાનું વચન આપે છે. સપ્ટેમ્બરમાં સની દેઓલે 1997ની બ્લોકબસ્ટરની 27મી રિલીઝ એનિવર્સરી પર બોર્ડરની સિક્વલની જાહેરાત કરી હતી. તેણે લખ્યું છે કે, ‘એક સૈનિક ફરીથી પોતાનું 27 વર્ષ જૂનું વચન પૂરું કરવા આવી રહ્યો છે. ભારતની સૌથી મોટી યુદ્ધ ફિલ્મ, બોર્ડર 2.’ 1971ના ભારત-પાકિસ્તાન યુદ્ધ દરમિયાન લોંગેવાલાના યુદ્ધની ઘટનાઓ પર આધારિત, બોર્ડર ફિલ્મમાં સની દેઓલ સાથે સુનીલ શેટ્ટી, જેકી શ્રોફ, અક્ષય ખન્ના, સુદેશ બેરી અને પુનિત ઈસારે અભિનય કર્યો હતો. કુલભૂષણ ખરબંદા, તબુ, રાખી, પૂજા ભટ્ટ અને શરબની મુખર્જી પણ આ ફિલ્મનો ભાગ હતા. હવે આ ફિલ્મની સિક્વલમાં કેટલાક નવા કલાકારો જોડાયા છે.
View this post on Instagram
આ નવા કલાકારો બોર્ડર-2માં જોવા મળશે
સુનીલ શેટ્ટીનો પુત્ર અહાન શેટ્ટી પણ બોર્ડર-2માં મહત્ત્વના રોલમાં જોવા મળવાનો છે. અહાન આને લઈને ખૂબ જ ઉત્સાહિત છે અને તે ઈન્સ્ટાગ્રામ પર શેર પણ કરી ચૂક્યો છે. તાજેતરમાં અહાન શેટ્ટીએ એક પોસ્ટ શેર કરી હતી અને આ ફિલ્મ સાથે જોડાવા મળ્યું તેને પોતાનું સૌભાગ્ય જણાવ્યું હતું. અહાન શેટ્ટીના પિતા સુનીલ શેટ્ટી ફિલ્મ બોર્ડરમાં મહત્ત્વના રોલમાં જોવા મળ્યા હતા. આ ફિલ્મમાં અહાનની સાથે વરુણ ધવન અને દિલજીત દોસાંજ પણ મહત્ત્વની ભૂમિકામાં જોવા મળશે, પરંતુ ફિલ્મની જવાબદારી હજુ પણ સની દેઓલના ખભા પર છે. સની દેઓલ ફરી એકવાર આર્મી ડ્રેસમાં દમદાર એક્ટિંગમાં જોવા મળશે.
આ પણ વાંચોઃ રાજામૌલીની ફિલ્મમાં પ્રિયંકા ચોપરા, કરોડોની ફી લઈને બની હાઈએસ્ટ પેઈડ એક્ટ્રેસ!
