ગુજરાતની ગૃહિણીઓ માટે ખુશીના સમાચાર, સિંગતેલના ભાવ ઘટ્યા

• સારા અને પોષણક્ષમ ભાવો મળતા ખેડૂતોને પણ મોટી રાહત
• સિંગતેલના ભાવમાં ડબ્બાએ રૂ.80 નો ઘટાડો જોવા મળ્યો
• કપાસિયા તેલના ભાવમાં ડબ્બાએ રૂ.20 નો ઘટાડો થયો

ગુજરાતની ગૃહિણીઓ માટે ખુશીના સમાચાર છે. જેમાં સિંગતેલના ભાવ ઘટ્યા છે. તથા કપાસિયા તેલના ભાવ પણ ઘટ્યા છે. સામાન્ય વર્ગને તહેવારો પહેલા રાહત મળી છે. થોડા દિવસો પહેલા સિંગતેલના ભાવ ઘટતા કિંમતો 2850 રૂપિયાથી 2900 થઈ હતી.

આ પણ વાંચો: ગુજરાત: હવે કડકડતી ઠંડી માટે થઈ જાવ તૈયાર, આ દિવસોથી શરૂ થશે કોલ્ડ વેવ 

સિંગતેલના ભાવમાં ડબ્બાએ રૂ.80 નો ઘટાડો જોવા મળ્યો

સિંગતેલના ભાવમાં ડબ્બાએ રૂ.80 નો ઘટાડો જોવા મળ્યો છે. આ સાથે જ કપાસિયા તેલના ભાવમાં ડબ્બાએ રૂ.20 નો ઘટાડો થયો છે. આ ઘટાડા સાથે સિંગતેલના ડબ્બાના ભાવ 2820 રૂપિયા થયા તો કપાસિયા તેલના ડબ્બાના ભાવ 1500 રૂપિયા થયા છે. હાલના દિવસોમાં રાજકોટ, ધોરાજી, જૂનાગઢ સહિતના સૌરાષ્ટ્રના મોટાભાગના માર્કેટયાર્ડોમાં મગફળની નવી આવકમાં ધૂમ જોવાઈ રહી છે. સિઝનનો સારો વરસાદ અને પાછોતરા વરસાદના લીધે મગફળીની ખેતી કરતા ખેડૂતો માટે પાકની ઉપજ સારી નોંધાઈ છે. જેનાથી જગતતાતના ચહેરે આનંદની લહેરખીઓ છવાઈ છે.

આ પણ વાંચો: અમદાવાદમાં છેલ્લા નોરતે સૌથી વધુ કાર્ડિયાક ઈમરજન્સીના કેસ આવ્યા, આંકડો છે ચોંકાવનારો 

સારા અને પોષણક્ષમ ભાવો મળતા ખેડૂતોને પણ મોટી રાહત

હાલના દિવસોમાં મગફળી, કપાસ જેવી જણસોના સારા અને પોષણક્ષમ ભાવો મળતા ખેડૂતોને પણ મોટી રાહત થઈ છે. જનતા મોંઘવારીના મારમાં પિસાઈ રહી છે સાથે જ ખાદ્યતેલનાં ભાવ આસમાને આંબી રહ્યા છે. એવામાં એક સારા સમાચાર સામે આવ્યા, રાજ્યમાં સિંગતેલ અને કપાસિયા તેલના ભાવમાં ઘટાડો થયો છે. ગુજરાતમાં છેલ્લા કેટલાક સમયથી ખાદ્યતેલનાં ભાવ આસમાને આંબી રહ્યા છે, જેને કારણે ગૃહિણીઓનું બજેટ ખોરવાઇ ગયું હતું. ત્યારે રાજ્યમાં ગૃહિણીઓ માટે રાહતના સમાચાર આવ્યા છે. રાજ્યમાં ખાદ્ય તેલના ભાવમાં ઘટાડો જોવા મળ્યો છે. સિંગતેલ અને કપાસિયા તેલના ભાવમાં ઘટાડો થયો છે.

સિંગતેલના ભાવમાં છેલ્લા કેટલાક સમયથી સતત વધારો જોવા મળતો હતો

સિંગતેલના ભાવમાં છેલ્લા કેટલાક સમયથી સતત વધારો જોવા મળતો હતો. પરંતુ તેજ ગતિ થતાં વધારા વચ્ચે થોડા રાહતના સમાચાર સામે આવ્યા છે. સિંગતેલના ભાવમાં આંશિક ઘટાડો થયો છે. તો વાત એમ છે કે આ વખતે વરસાદ સારો પડ્યો છે અને સૌરાષ્ટ્રમાં મગફળીનો પાક સારી માત્રામાં થયો હતો. હવે માર્કેટિંગ યાર્ડમાં આ પાકની આવક શરૂ થઈ ગઈ છે અને તેનો સીધો અસર સીંગતેલના ભાવમાં પડી રહ્યો છે.