ઉજ્જૈન મહાકાલ મંદિરના ભક્તો માટે સારા સમાચાર, 3 મહિના પહેલા કરાવી શકાશે ભસ્મ આરતીનું બુકિંગ

Shailesh Chaudhary મધ્યપ્રદેશLast Updated: જૂન 2, 2024

524 1 minute read

ઉજ્જૈન મહાકાલ મંદિરની ભસ્મ આરતીને લઈને નવી વ્યવસ્થા અમલમાં મૂકવામાં આવી, ભસ્મ આરતીનું બુકિંગ હવે ત્રણ મહિના અગાઉથી કરાવી શકાશે

ઉજ્જૈન, 02 જૂન: મધ્યપ્રદેશના ઉજ્જૈન મહાકાલ મંદિરમાં દર વર્ષે લાખો ભક્તો એકઠા થાય છે. ભસ્મ આરતી જોવા માટે ભક્તોની લાંબી લાઇનો લાગે છે. પરંતુ હવે ભસ્મ આરતી માટે 3 મહિના પહેલા બુકિંગ કરાવી શકાશે. ભસ્મ આરતીને લઈને વ્યવસ્થામાં ફેરફાર કરવામાં આવ્યા છે. જુલાઈ મહિના માટે 9100 ભક્તોની અરજીઓ મંજૂર કરવામાં આવી છે.

ઓગસ્ટ, સપ્ટેમ્બર અને ઓક્ટોબર માટે બુકિંગ કરી શકાશે

શ્રી મહાકાલેશ્વર મંદિરની વેબસાઈટ પર 1 જુલાઈથી 31 જુલાઈ સુધીની 9100 ભક્તોની ભસ્મ આરતી માટેની અરજી સ્વીકારવામાં આવી છે. આ સાથે ઓગસ્ટ, સપ્ટેમ્બર અને ઓક્ટોબર મહિનાનું બુકિંગ પણ શરુ કરવામાં આવ્યું છે.

ભસ્મ આરતીમાં સતત અનિયમિતતાઓને કારણે દેશભરના ભક્તો પરેશાન હતા કારણ કે ભસ્મ આરતીનું ઓનલાઈન બુકિંગ માત્ર 15 દિવસ પહેલા ખોલવામાં આવતું હતું અને એ પણ સવારે 8 વાગ્યે બારી ખુલતાની સાથે જ થોડા સમયમાં જ ભરાઈ જતી હતી. આવી અનેક ફરિયાદ મળતાં જ ઉજ્જૈનના કલેક્ટર નીરજ કુમાર સિંહના નિર્દેશ હેઠળ નવી સિસ્ટમ લાગુ કરવામાં આવી છે. જે અંતર્ગત હવે ત્રણ મહિના અગાઉથી અરજી કરવાનો નિયમ બનાવવામાં આવ્યો હતો. આ નિયમ હેઠળ મંદિર સમિતિએ શનિવારે કુલ 9100 ભક્તોની વિનંતીઓ સ્વીકારી હતી જેમણે જુલાઈ મહિના માટે બુકિંગ કરાવ્યું હતું.

ભસ્મ આરતીમાં હાજરી આપવા માટે અગાઉથી આયોજન કરી શકશે

નવી સિસ્ટમ હેઠળ ભક્તો હવે તેમની ભસ્મ આરતીનું અગાઉથી આયોજન કરી શકશે. જેમાં આગામી મહિનાની ભસ્મ આરતી માટેનું બુકિંગ દર મહિનાની પહેલી તારીખે બહાર પાડવામાં આવશે. આગામી જુલાઇ મહિનાનું બુકિંગ 1લી જૂને બહાર પાડવામાં આવ્યું છે. આ સાથે ભસ્મ આરતીનું બુકિંગ આગામી 3 મહિના સુધી ચાલુ રહેશે.

ભક્તોને તેમના દ્વારા આપવામાં આવેલા મોબાઈલ નંબર પર તેમની ભસ્મ આરતી બુકિંગ વિશેની માહિતી મોકલવામાં આવશે. ભક્તોએ 24 કલાકની અંદર નિર્ધારિત ફી જમા કરાવવાની રહેશે. જો 24 કલાકમાં પાસ જનરેટ નહીં થાય, તો ભક્તની વિનંતી રદ કરવામાં આવશે અને વેઇટિંગ લિસ્ટમાં યોગ્યતાના આધારે અન્ય ભક્તોની વિનંતી સ્વીકારવામાં આવશે.