‘ગોલમાલ 5’ ફિલ્મની ટૂંક સમયમાં જાહેરાત, શ્રેયસ તલપડેએ આપી હિન્ટ

અભિનેતા શ્રેયસ તલપડેએ વાતચીત દરમિયાન ગોલમાલ સિરીઝ વિશે પોતાના મનની વાત કરી હતી. તેણે કહ્યું કે તે ફરીથી રોહિત શેટ્ટીની ફિલ્મોનો ભાગ બનવા માંગે છે. માત્ર ચાહકો જ નહીં કલાકારો પણ આની આતુરતાથી રાહ જોઈ રહ્યા છે. રોહિત શેટ્ટીએ તેના ચાહકોને વચન આપ્યું હતું કે તે ટૂંક સમયમાં ‘ગોલમાલ-5’ લાવશે. જો કે હજુ ફિલ્મ શરૂ પણ થઈ નથી. શ્રેયસ 2008માં રિલીઝ થયેલી ફિલ્મ ગોલમાલ રિટર્ન્સનો ભાગ હતો. આ ફિલ્મમાં તે અજય દેવગન, અરશદ વારસી, કરીના કપૂર અને તુષાર કપૂર સાથે જોવા મળ્યો હતો.

શ્રેયસ તલપડેએ ‘ગોલમાલ 5’ પર આ વાત કહી

શ્રેયસ તલપડેએ કહ્યું, ‘સાચું કહું તો માત્ર ચાહકો જ નહીં અમે પણ ગોલમાલ-5ની આતુરતાથી રાહ જોઈ રહ્યા છીએ. રોહિત અને અજયે કોરોનાની શરૂઆત પહેલા જ ફિલ્મના આગામી હપ્તાની જાહેરાત કરી હતી. કમનસીબે, કોવિડ આવ્યો અને વસ્તુઓ બદલાઈ ગઈ. સાચું કહું તો મને ખબર નથી કે વાર્તા શું છે. આ વિશે ફક્ત રોહિત જ જાણે છે. તેથી જ્યારે તે અમને ફોન કરીને આ વિશે જણાવશે ત્યારે જ હું ફિલ્મની વાર્તા વિશે વાત કરી શકીશ. પણ હા અમે તેની આતુરતાથી રાહ જોઈ રહ્યા છીએ.

રોહિત શેટ્ટીની ગોલમાલ સિરીઝની પ્રથમ ફિલ્મ ગોલમાલ ફન અનલિમિટેડ વર્ષ 2006માં રિલીઝ થઈ હતી. આ ફિલ્મમાં શરમન જોશી, તુષાર કપૂર, અરશદ વારસી અને અજય દેવગન મુખ્ય ભૂમિકામાં હતા. અને આ પછી રોહિત શેટ્ટીએ તેના ચાહકો માટે ત્રણ સિક્વલ ગોલમાલ રિટર્ન્સ, ગોલમાલ-3 અને ગોલમાલ અગેઈન બનાવી છે.