ઓલટાઈમ હાઈ પર પહોંચ્યું સોનું, 22 કેરેટ સોનું હવે આટલું મોંઘુ

નવી દિલ્હી, 20 માર્ચ; 2025; ભારતમાં સોનાના ભાવ ઘણા કારણોસર બદલાતા રહે છે, જેમ કે આંતરરાષ્ટ્રીય બજારના ભાવ, સરકારી કર અને રૂપિયાના મૂલ્યમાં વધઘટ. સોનું એ માત્ર રોકાણનું સાધન નથી પરંતુ તે આપણી પરંપરાઓ અને તહેવારોનો પણ એક મહત્વપૂર્ણ ભાગ છે. ખાસ કરીને લગ્ન અને તહેવારોમાં તેની માંગ વધી જાય છે. આજે ગુરુવાર એટલે કે 20 માર્ચે ભારતમાં સોનાના ભાવમાં વધારો થયો છે, જેની કિંમત હવે 90,000 રૂપિયાને વટાવી ગઈ છે. 20 માર્ચ, 2025 સુધીમાં, 24 કેરેટ અને 22 કેરેટ સોનાના 10 ગ્રામની કિંમતમાં 100 રૂપિયાનો વધારો થયો છે.

હાલમાં, બધા મુખ્ય શહેરોમાં 24 કેરેટ સોનાની કિંમત 10 ગ્રામ દીઠ 90,000 રૂપિયાથી વધુ છે. આ દરમિયાન, ઝવેરાત ખરીદનારાઓ 22 કેરેટ સોનાની સમાન માત્રા માટે 82,000 રૂપિયાથી વધુ ચૂકવી રહ્યા છે. દિલ્હીમાં 22 કેરેટ સોનાની કિંમત 82,960 રૂપિયા અને 24 કેરેટ સોનાની કિંમત 90,600 રૂપિયા પ્રતિ 10 ગ્રામ હતી. મુંબઈમાં 22 કેરેટ સોનું 82,910 રૂપિયા અને 24 કેરેટ સોનું 90,450 રૂપિયા પ્રતિ 10 ગ્રામ પર ટ્રેડ થઈ રહ્યું છે. દેશના અન્ય મોટા શહેરોમાં પણ સોનાના ભાવમાં મામૂલી વધઘટ જોવા મળી હતી.

ગુજરાતના અમદાવાદ, સુરત, વડોદરા અને રાજકોટમાં 24 કેરેટ સોનાનો ભાવ 90,500 પ્રતિ 10 ગ્રામ છે જ્યારે 22 કેરેટ સોનાનો ભાવ 82,960 રુપિયા પર પહોંચી ગયો છે. 20 માર્ચ, 2025ના રોજ ચાંદીનો ભાવ 1,02,900 રૂપિયા પ્રતિ કિલો થઈ ગયો છે.

આ પણ વાંચો..શેરબજાર સળંગ ચોથા દિવસે તેજીમાં: સેન્સેક્સમાં 400થી વધુ પોઈન્ટનો ઉછાળો