સોનામાં ફરી તેજી, આજે 10 ગ્રામ દાગીના ખરીદવા કેટલો વધ્યો ખર્ચ? ચાંદીના ભાવમાં પણ ઉછાળો

Gold prices rise again: દેશભરમાં આજે સોના અને ચાંદીના ભાવમાં વધારો નોંધાયો છે. સતત વધી રહેલા કિંમતોના કારણે દાગીના ખરીદનારાઓ માટે ખર્ચ વધુ વધ્યો છે. ખાસ કરીને 22 કેરેટના દાગીના બનાવડાવવા ઇચ્છતા લોકો માટે આજે પ્રતિ 10 ગ્રામ વધુ રકમ ચૂકવવી પડી શકે છે.

બજારના તાજા દર મુજબ આજે 24 કેરેટ સોનાના ભાવમાં પ્રતિ ગ્રામ 33 રૂપિયાનો વધારો થયો છે. હવે 24 કેરેટ સોનાનો ભાવ પ્રતિ ગ્રામ 15,246 રૂપિયા સુધી પહોંચી ગયો છે. જ્યારે 22 કેરેટ સોનામાં પ્રતિ ગ્રામ 30 રૂપિયાનો વધારો નોંધાતા તેનો ભાવ 13,975 રૂપિયા પ્રતિ ગ્રામ થયો છે. 18 કેરેટ સોનાના દરમાં પણ વધારો જોવા મળ્યો છે.

અમારી WhatsApp ચેનલમાં જોડાવા આ લિંક પર ક્લીક કરો

જો 22 કેરેટના 10 ગ્રામ દાગીના ખરીદવાની વાત કરીએ તો આજે ગ્રાહકોને અંદાજે 1,39,750 રૂપિયા ખર્ચવા પડી શકે છે. તેમાં મેકિંગ ચાર્જ અને અન્ય કર ઉમેરાતા કુલ ખર્ચ વધુ વધી શકે છે.

વિવિધ શહેરોમાં સોનાના ભાવમાં થોડો ફેરફાર જોવા મળ્યો છે. અમદાવાદ, સુરત અને પટણા જેવા શહેરોમાં 24 કેરેટ સોનાનો ભાવ 15,251 રૂપિયા પ્રતિ ગ્રામ નોંધાયો છે, જ્યારે દિલ્હી અને જયપુરમાં 15,239 રૂપિયા પ્રતિ ગ્રામ રહ્યો છે. ચેન્નઈમાં સૌથી વધુ ભાવ નોંધાયો છે.

બીજી તરફ ચાંદીના ભાવમાં પણ જોરદાર ઉછાળો આવ્યો છે. આજે ચાંદીનો ભાવ 270 રૂપિયા પ્રતિ ગ્રામ અને 2,70,000 રૂપિયા પ્રતિ કિલોગ્રામ સુધી પહોંચી ગયો છે. ગઈકાલની સરખામણીએ ચાંદીમાં પ્રતિ ગ્રામ 5 રૂપિયા અને પ્રતિ કિલો 5,000 રૂપિયાનો વધારો નોંધાયો છે.

અમદાવાદ, વડોદરા, મુંબઈ, દિલ્હી અને કોલકાતામાં ચાંદીના દર લગભગ સમાન રહ્યા છે, જ્યારે ચેન્નઈમાં ચાંદીનો ભાવ વધુ ઊંચો નોંધાયો છે.

સોનાં-ચાંદીના વધતા ભાવોને કારણે લગ્નસરા અને રોકાણકારોમાં ચિંતા વધી રહી છે. નિષ્ણાતોનું માનવું છે કે વૈશ્વિક બજારમાં ચાલી રહેલી અસ્થિરતા અને વધતી માંગને કારણે કિંમતોમાં વધુ ફેરફાર જોવા મળી શકે છે.

આ પણ વાંચો : 7 May Gold Silver Rate: આકાશે આંબી રહ્યા છે સોના-ચાંદીના ભાવ, ખરીદતા પહેલા અહીં ચેક કરી લો