લગ્નની સિઝન વચ્ચે સોનાના ભાવમાં તમામ રેકોર્ડ તૂટ્યા, આજે ભાવમાં ધરખમ વધારો

સોનાનો ભાવ આજે 57,000 રૂપિયા પ્રતિ 10 ગ્રામ પર પહોચ્યો છે. ત્યારે સ્થાનિક બજારમાં, સોનું 0.4% થી વધીને રૂ. 57,050 પ્રતિ 10 ગ્રામ, અને ચાંદી MCX પર 0.5% થી વધીને રૂ. 68,301 પ્રતિ કિલોગ્રામ પર પહોચ્યું છે. વૈશ્વિક બજારમાં રહેલા સોનાની વાત કરવામાં આવે તો નબળા યુએસ ડૉલરના સહારે તોલાનો ભાવ 0.2% થી વધીને $1,935.69 થયો હતો, રોકાણકારો સપ્તાહના અંતમાં આવતા યુએસના ચોથા ક્વાર્ટરના જીડીપી વધારાના અંદાજની હાલમાં રાહ જોઈ રહ્યા છે. અન્ય કિંમતી ધાતુઓની વાત કરીએ તો બજારમાં રહેલ ચાંદીનો પ્રતિ તોલા 0.4 ટકા વધીને 23.54 ડોલર થયો હતો. બજારમાં મજબૂત માંગને કારણે, સટોડિયાઓએ નવી પોઝિશન બનાવી છે, જેના કારણે મંગળવારે વેપારમાં સોનાનો ભાવ રૂ. 260 વધીને રૂ. 57,075 પ્રતિ 10 ગ્રામ થયો હતો. મલ્ટી કોમોડિટી એક્સચેન્જમાં , ફેબ્રુઆરી ડિલિવરીનું સોનું 8,323 લોટના વેપારમાં રૂ. 260 અથવા 0.46 ટકા વધીને રૂ. 57,075 પ્રતિ 10 ગ્રામ થયું હતું.

સોના-ચાંદીના ભાવમાં વધારો

વેપારીઓએ જણાવ્યું હતું કે નવી ખરીદીને કારણે સોનાના ભાવમાં વધારો થયો છે. વૈશ્વિક સ્તરે, ન્યૂયોર્કમાં સોનાના પ્રતિ તોલા દીઠ ભાવ 0.64 ટકા વધીને $1,957.90 પર ટ્રેડ થઈ રહ્યા હતા. બીજી બાજુ, ચાંદીના ભાવ વધીને રૂ. 68,564 પ્રતિ કિલો થયા હતા. ચાંદીના ભાવ મંગળવારે બજારમાં રૂ. 600 થી વધીને રૂ. 68,564 પ્રતિ કિલોગ્રામ પર પહોંચી ગયા હતા કારણ કે હાજર બજારમાં મજબૂત માંગ વચ્ચે વેપારીઓએ તેમનું હોલ્ડિંગ વધાર્યું હતું. મલ્ટી કોમોડિટી એક્સચેન્જ પર, માર્ચમાં ડિલિવરી માટે ચાંદીનો ભાવ રૂ. 600 અથવા 0.88 ટકા વધીને રૂ. 68,564 પ્રતિ કિલોગ્રામ પર ટ્રેડ થયો હતો, જેમાં 17,054 લોટનો વેપાર થયો હતો.

વિશ્લેષકોએ જણાવ્યું હતું કે, બજારમાં સકારાત્મક વલણ વચ્ચે વેપારીઓ દ્વારા કરાતી નવી ખરીદીને કારણે ચાંદીના ભાવમાં વધારો નોધાયો છે. વૈશ્વિક સ્તરે, ન્યુયોર્કમાં એક તોલા ચાંદીનો ભાવ 0.98 ટકાથી વધીને 23.79 ડોલર પર ટ્રેડ થયો હતો. અમુક શહેરોમાં નીચે મુજબ ભાવ નોધાયા

સારા વળતર મુજબ, બુલિયન માર્કેટમાં સોનાના ભાવ નીચે મુજબ નોધાયા 

દિલ્હીમાં 24 કેરેટ સોનાના 10 ગ્રામની કિંમત 57,650 રૂપિયા છે.
જયપુરમાં 24 કેરેટ સોનું 10 ગ્રામ રૂ.57,650માં વેચાઈ રહ્યું છે.
પટનામાં સોનાની કિંમત 24Kના 10 ગ્રામ માટે રૂ.57,160 છે.
કોલકાતામાં સોનાની કિંમત 24Kના 10 ગ્રામ માટે રૂ.57,490 છે.
મુંબઈમાં 10 ગ્રામ 24 કેરેટ સોનું 57,490માં વેચાઈ રહ્યું છે.
બેંગ્લોરમાં 24K સોનાના 10 ગ્રામ માટે 57,550 છે
હૈદરાબાદમાં 24 કેરેટ 10 ગ્રામ સોનાની કિંમત 57,490 રૂપિયા છે.
ચંદીગઢમાં 24 કેરેટ 10 ગ્રામ સોનાનો ભાવ રૂ.57,650 છે.
લખનૌમાં 24 કેરેટ સોનાનો ભાવ 10 ગ્રામ માટે 57,650 રૂપિયા છે.

આ પણ વાંચો : સામાન્ય જનતાને મળી શકે છે રાહત, કેન્દ્રીય મંત્રીએ પેટ્રોલ-ડીઝલના ભાવ અંગે કરી મહત્વની વાત