ગોવામાં બળાત્કારના આરોપીને પીડિતાએ માર્યો માર, આંખમાં મરચાનો પાઉડર નાંખ્યો

ગોવામાં એક સનસનીખેજ ઘટના સામે આવી છે. અહીં રેપ પીડિતાએ જાહેરમાં આરોપીનો સામનો કર્યો. પીડિતાએ પહેલા આરોપીને બોલાવ્યો અને તેની આંખમાં મરચાનો પાઉડર છાંટ્યો. પછી રસ્તાની વચ્ચે તેને ખૂબ જ માર માર્યો હતો. પરંતુ, આ દરમિયાન આરોપીને પણ તક મળી અને તેણે પણ પીડિતાનો સામનો કર્યો. આ દરમિયાન રોડ પર જ બંને વચ્ચે ઝઘડો થયો હતો, જેનો વીડિયો પણ સામે આવ્યો છે.

ખરેખર, જે યુવતીએ યુવકને માર માર્યો છે, તે ગોવાની કોલેજમાં અભ્યાસ કરે છે. યુવતીનો આરોપ છે કે એક દિવસ તેની સ્કૂટી તૂટી ગઈ અને તેણે આરોપી યુસુફને મદદ માટે બોલાવ્યો. પરંતુ, યુસુફે મદદના નામે તેની સાથે બળાત્કારની ઘટનાને અંજામ આપ્યો હતો. આરોપ છે કે યુસુફ પહેલા યુવતીને એક ગેરેજમાં લઈ ગયો, જ્યાં ગેરેજના મિકેનિકે યુવતીને સ્કૂટીના કેટલાક પાર્ટ્સ લેવા કહ્યું. છોકરી પાસે પૈસા નહોતા. આના પર યુસુફે તેને મદદની ખાતરી આપી.

યુવતીએ યુવક પર લગાવ્યા આ આક્ષેપ

યુવતીનો આરોપ છે કે યુસુફે તેને ખાતરી આપી હતી કે તે સ્કૂટીના પાર્ટ્સના રૂપિયા તે ગેરેજના મિકેનિકને આપી દેશે. ત્યારબાદ નિર્જન સ્થળે લઈ જવાના બહાને યુસુફે યુવતીને કારમાં બેસાડી દીધી. અહીં તેની સાથે દુષ્કર્મની ઘટનાને અંજામ આપવામાં આવ્યો હતો. એવું કહેવામાં આવી રહ્યું છે કે પીડિતા યુસુફ પર વિશ્વાસ કરતી હતી કારણ કે યુસુફ તે જ વિસ્તારમાં રહેતો હતો જ્યાં તે રહેતી હતી.

પીડિતાએ જણાવ્યું હતું કે, બ્લેકમેલિંગ કરતો હતો

પીડિતાનો આરોપ છે કે તે આ ઘટનાથી ખૂબ જ આઘાતમાં છે. બીજી તરફ યુસુફે તેણીને વારંવાર ફોન કરીને બ્લેકમેલ કરવાનું શરૂ કર્યું હતું. તે તેને સતત ફોન કરતો હતો. પરંતુ, છેલ્લા 3 દિવસ સુધી તેણે કોઈ જવાબ આપ્યો ન હતો. આ પછી 28 જુલાઈએ તેણે યુસુફને પાઠ ભણાવવાનું વિચાર્યું.

આ પછી પીડિતાએ યુસુફને કોલેજના ગેટની બાજુમાં આવેલા મંદિરમાં બોલાવ્યો અને તેની આંખમાં મરચાનો પાઉડર નાંખ્યો. આ સાથે તેને રસ્તાની વચ્ચે બેફામ માર માર્યો હતો. પરંતુ, આ દરમિયાન યુસુફને પણ તક મળી અને સ્પ્રે તેના હાથમાં આવી ગઈ. તેણે પીડિતાના ચહેરા પર છંટકાવ કર્યો. જો કે, છોકરી નબળી પડી ન હતી. તેણે યુસુફના કપડા ફાડી નાંખ્યા હતા.

આખરે પોલીસ પણ ઘટના સ્થળે પહોંચી હતી. પોલીસે યુસુફની ધરપકડ કરી છે. આ સાથે પોલીસે પીડિતાનું નિવેદન પણ નોંધ્યું છે. પોલીસે બળાત્કાર, બ્લેકમેલ અને મારપીટના આરોપસર યુસુફની ધરપકડ કરી હતી.