ફિલ્મ ‘RRR’ નો વૈશ્વિક સ્તરે ડંકો : ટોમ ક્રૂઝને પાછળ છોડી વર્ષની શ્રેષ્ઠ ફિલ્મોની વૈશ્વિક યાદીમાં મેળવ્યું સ્થાન !


એસએસ રાજામૌલીની ફિલ્મ ‘RRR’ પોતાની સફળતાનો નવો ઈતિહાસ લખી રહી છે. જ્યારે આ ફિલ્મે ઘણા આંતરરાષ્ટ્રીય એવોર્ડ જીત્યા છે. તે જ સમયે, હવે તેની ગણતરી આ વર્ષની શ્રેષ્ઠ ફિલ્મોમાં પણ થઈ રહી છે. વાસ્તવમાં, જુનિયર એનટીઆર અને રામ ચરણ અભિનીત ‘RRR’ એ હવે વર્ષની શ્રેષ્ઠ ફિલ્મોની વૈશ્વિક યાદીમાં પોતાનું નામ નોંધાવ્યું છે. આ લિસ્ટમાં ‘RRR’એ ટોમ ક્રૂઝની ‘ટોપ ગન: મેવેરિક’ને પાછળ છોડી દીધું છે.
આ પણ વાંચો : કંગનાને સંસદ ભવનમાં નથી મળી રહી ફિલ્મ ‘ઈમરજન્સી’ના શૂટ માટેની પરવાનગી !

ટોપ 10માં RRR
બ્રિટિશ ફિલ્મ ઈન્સ્ટિટ્યૂટના સાઈટ એન્ડ સાઉન્ડ મેગેઝિને 2022ની 50 શ્રેષ્ઠ ફિલ્મોમાં ‘RRR’ ફિલ્મનો સમાવેશ કર્યો છે. એસએસ રાજામૌલીની આ ઐતિહાસિક વાર્તાએ આ યાદીમાં નવમું સ્થાન મેળવ્યું છે. બીજી તરફ, ટોમ ક્રૂઝની ‘ટોપ ગન: મેવેરિક’ને આ યાદીમાં 38મું સ્થાન મળ્યું છે. શૌનક સેનની ડોક્યુમેન્ટ્રી ‘ઓલ ધ્સ બ્રીડ્સ’ પણ આ યાદીમાં સામેલ છે. ‘ઓલ ધેટ બ્રીડ્સ’એ 32મું સ્થાન મેળવ્યું.

‘આફ્ટર સન’ છે પ્રથમ સ્થાન
બ્રિટિશ ફિલ્મ ઈન્સ્ટિટ્યૂટનું સાઈટ એન્ડ સાઉન્ડ મેગેઝિન દર વર્ષે વિશ્વની ટોચની 50 ફિલ્મોની યાદી બહાર પાડે છે. આ યાદીમાં શાર્લોટ વેલ્સની દિગ્દર્શિત ડેબ્યૂ ફિલ્મ ‘આફ્ટર સન’ને પ્રથમ સ્થાન મળ્યું છે. આ ફિલ્મ પિતા અને પુત્રીના સંબંધો પર આધારિત છે.
SS Rajamouli's RRR is among top 10 movies on British Film Institute's '50 Best Films of 2022 list' and among top 20 films on Rotten Tomatoes 'The 100 Best Movies 3 Hours or Longer' list of movies. Check this Visual Story by @MehakAgarwal15 to find out morehttps://t.co/La5l03eKqy
— Business Today (@business_today) December 21, 2022
RRRનું રેકોર્ડ બ્રેક કલેક્શન
RRRએ આ વર્ષે રેકોર્ડબ્રેક કરનારી ફિલ્મોમાંની એક ફિલ્મ બની છે, આ ફિલ્મે આ વર્ષે વર્લ્ડ વાઈડ કુલ 1144 કરોડનું કલેક્શન કર્યુ છે, જે એક મોટું કલેક્શન કહી શકાય. 450 કરોડના બજેટમાં બનેલી આ ફિલ્મે પહેલા જ દિવસે વર્લ્ડ વાઈડ કુલ 223 કરોડ રુપિયાનું ગ્રાન્ડ કલેક્શન કર્યુ હતું. બોક્સ ઓફિસની ટોપ ફિલ્મોમાં KGF CH.2 બાદ RRR બીજા સ્થાને છે, KGF CH.2નું વર્લ્ડ વાઈડ કલેક્શન 1236 કરોડ રુપિયા છે.