ગાઝામાં ત્રણ કલાકના વિલંબ બાદ યુદ્ધવિરામ શરૂ, હમાસે મુક્ત થનારા 3 બંધકોના નામ જાહેર કર્યા
તેલઅવીવ, 19 જાન્યુઆરી: ઇઝરાયલ-હમાસ યુદ્ધમાં કલાકોના વિલંબ બાદ રવિવારે યુદ્ધવિરામ અમલમાં આવ્યો. રવિવારે મુક્ત થનારા ત્રણ ઇઝરાયલી બંધકોના નામ હમાસ તરફથી કેટલીક મૂંઝવણ બાદ જાહેર કરવામાં આવ્યા હતા. આ નામોના પ્રકાશન સાથે, છેલ્લા 15 મહિનાથી ચાલી રહેલા આ વિનાશક યુદ્ધનો અંત આવ્યો. યુદ્ધવિરામ સ્થાનિક સમય મુજબ ૧૧:૪૫ વાગ્યે શરૂ થયો, જે નિર્ધારિત સમય કરતાં લગભગ ત્રણ કલાક મોડો હતો.
યુદ્ધવિરામની ચર્ચા અને તેની જાહેરાતમાં વિલંબ વચ્ચે ઇઝરાયલી સૈન્યએ ગાઝા પર બોમ્બમારો ચાલુ રાખ્યો. ઇઝરાયલી સેનાએ કહ્યું કે જ્યાં સુધી યુદ્ધવિરામ લાગુ ન થાય ત્યાં સુધી તે વડા પ્રધાન નેતન્યાહૂના આદેશ પર ગાઝા પર હુમલો કરી રહી છે.
પેલેસ્ટિનિયન અધિકારીઓના જણાવ્યા અનુસાર, રવિવારે ઇઝરાયલી હવાઈ હુમલાઓ અને ઇઝરાયલી સેનાના હુમલાઓમાં લગભગ 13 લોકો માર્યા ગયા છે. ઇઝરાયલી સેનાએ આ હુમલો એવા સમયે કર્યો હતો જ્યારે યુદ્ધવિરામ ટૂંક સમયમાં અમલમાં આવવાનો હતો.
વહેલી સવારે, યુદ્ધવિરામમાં વિલંબને કારણે ઇઝરાયલી વડા પ્રધાન બેન્જામિન નેતન્યાહૂના કાર્યાલય દ્વારા એક નિવેદન જારી કરવામાં આવ્યું હતું. આ નિવેદન મુજબ, નેતન્યાહૂએ સેનાને કહ્યું હતું કે જ્યાં સુધી ઇઝરાયલને મુક્ત કરાયેલા બંધકોના નામ ન મળે ત્યાં સુધી યુદ્ધવિરામ પર વિચાર કરવામાં આવશે નહીં.
આ પણ વાંચો :હોમ લોન લેતી વખતે રહેજો સાવધાન, બેન્ક આ રીતે કરે છે ચાલાકી
આ યોજનામાં મહિલાઓને મળી રહ્યું છે FD કરતા વધુ વ્યાજ, આ તારીખ સુધી લઈ શકો છો લાભ, જાણો સંપૂર્ણ વિગતો
શું તમે પણ વસિયતનામુ બનાવવાના છો, આના કરતાં પણ વધુ સારો વિકલ્પ છે, આવનારી પેઢી તમારા ગુણગાન ગાશે
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
