નવી દિલ્હી, 2 સપ્ટેમ્બર : નવી દિલ્હી, 2 સપ્ટેમ્બર : ભારતીય ક્રિકેટ ટીમના મુખ્ય કોચ ગૌતમ ગંભીરે ભારતની પોતાની સર્વશ્રેષ્ઠ પ્લેઈંગ ઈલેવન તૈયાર કરી છે. રોહિત શર્મા અને જસપ્રિત બુમરાહને આ ઓલ ટાઈમ ઈલેવનમાં સ્થાન આપવામાં આવ્યું નથી. તેણે વીરેન્દ્ર સેહવાગની સાથે ઓપનર તરીકે પોતાની પસંદગી કરી છે. ગંભીરે ભારત માટે પસંદ કરેલી આ ઓલ ટાઈમ ઈલેવનમાં વિરાટ કોહલીને 5મા નંબરે રાખ્યો છે. મહાન સચિન તેંડુલકર અને પૂર્વ મુખ્ય કોચ રાહુલ દ્રવિડને પણ તેની ટીમમાં સ્થાન મળ્યું છે.
આ પણ વાંચો :સિદ્ધુ મૂસેવાલાના પિતાની સુરક્ષામાં રોકાયેલા બે ગાર્ડ એકબીજા સાથે બાખડ્યા, માથામાં આવી ગંભીર ઈજા
ગંભીરના કેટલાક નિર્ણય આશ્ચર્યજનક હોય છે
ટીમ ઈન્ડિયાના નવા કોચ ગૌતમ ગંભીરના નિર્ણયો ક્યારેક આશ્ચર્યજનક હોય છે. તેમની વિશેષતા એ છે કે તેઓ જે પણ કરે છે તે દિલથી કરે છે અને જે વિચારે છે તે કોઈપણ સંકોચ વગર બોલે છે. આવું જ કંઈક જોવા મળ્યું જ્યારે ગૌતમ ગંભીરે તેની ઓલ ટાઈમ ઈન્ડિયા પ્લેઈંગ ઈલેવન પસંદ કરી હતી. આ ટીમમાં વિરાટ કોહલીને જગ્યા મળી હતી પરંતુ રોહિત શર્માને બાકાત રાખવામાં આવ્યો હતો. આ ટીમમાં અનિલ કુંબલે અને આર અશ્વિન બે સ્પિનર છે, જ્યારે ઝહીર ખાન અને ઓલરાઉન્ડર ઈરફાન પઠાણને ફાસ્ટ બોલિંગ માટે રાખવામાં આવ્યા છે. જસપ્રીત બુમરાહ પણ ઓલ ટાઈમ ઈલેવનમાં નથી.
સેહવાગની ઓપનર તરીકે પસંદગી કરાઈ
સ્પોર્ટ્સ કીડા દ્વારા ગૌતમ ગંભીરનો એક વીડિયો શેર કરવામાં આવ્યો છે. આમાં જ્યારે તેને તેની ઓલ ટાઈમ ઈન્ડિયા ઈલેવન પસંદ કરવાનું કહેવામાં આવ્યું ત્યારે તેણે સેહવાગની સાથે ઓપનર તરીકે પોતાની પસંદગી કરી અને રોહિત શર્માને બહાર રાખ્યો હતો. ઈલેવનની પસંદગી કરતી વખતે ગંભીરે કહ્યું કે, સેહવાગ અને હું ઓપનર તરીકે ટીમમાં હોઈશું પછી રાહુલ દ્રવિડ, ચોથા સ્થાને સચિન તેંડુલકર, પાંચમા સ્થાને વિરાટ કોહલી. યુવરાજ સિંહ છઠ્ઠા સ્થાને, મહેન્દ્ર સિંહ ધોની સાતમા સ્થાને, અનિલ કુંબલે 8મા સ્થાને, આર અશ્વિન 9મા સ્થાને, હું ઈરફાન પઠાણને 10મા સ્થાને રાખવા માંગુ છું અને ઝહીર ખાન છેલ્લા સ્થાને રહેશે.
