વિનેશ ફોગાટને રડતા જોઈ ગૌહર ખાને આપી પ્રતિક્રિયા, ‘કુસ્તીબાજો સાથે મારપીટ એ દુઃખદ બાબત’
ભારતીય કુસ્તીબાજો દિલ્હીના જંતર-મંતર પર રેસલિંગ ફેડરેશન ઓફ ઈન્ડિયાના પ્રમુખ બ્રિજભૂષણ શરણ સિંહને લઈને ધરણા કરી રહ્યા છે. ભારતીય મહિલા રેસલર્સે બ્રિજ ભૂષણ પર જાતીય સતામણીનો આરોપ લગાવ્યો છે. આ મામલે ઘણા સમયથી વિવાદ ચાલી રહ્યો છે. બુધવારે મોડી રાત્રે વિરોધ કરી રહેલા દિલ્હી પોલીસ અને કુસ્તીબાજો વચ્ચે ભારે ઝપાઝપી અને ઘર્ષણ થયું હતું. આ પછી ભારતીય રેસલર વિનેશ ફોગટનો એક વીડિયો સામે આવ્યો છે, જેમાં તે રડતી જોવા મળી રહી છે, હવે અભિનેત્રી ગૌહર ખાને આ વીડિયો પર પોતાની પ્રતિક્રિયા આપી છે.
If this doesn’t break ur heart , then ure probably a non living thing . These athletes have brought india pride on international levels , n they are being manhandled, sad !!!!! They are fighting for justice , pls listen to their plight ! #indianwrestlers #pride https://t.co/ErHuizxyuE
— Gauahar Khan (@GAUAHAR_KHAN) May 4, 2023
ગૌહર ખાને કુસ્તીબાજો વિશે વાત કરી હતી
ભારતીય મહિલા કુસ્તીબાજ વિનેશ ફોગાટનો રડતો વીડિયો ટ્વિટર પર શેર કર્યો છે. ગૌહર ખાને પોતાના ઓફિશિયલ ટ્વિટર હેન્ડલ પર આ વીડિયોને રીટ્વીટ કર્યો છે. આ સાથે ગૌહરે આ ટ્વીટમાં લખ્યું છે કે- ‘જો આનાથી તમારું દિલ ન તૂટે તો તમે કદાચ નિર્જીવ છો. આ ખેલાડીઓએ આંતરરાષ્ટ્રીય સ્તરે ભારતનું ગૌરવ વધાર્યું છે. તેમના પર હુમલો કરવામાં આવી રહ્યો છે.
આ ખૂબ જ દુઃખદ છે. તેઓ ન્યાય માટે લડી રહ્યા છે, કૃપા કરીને તેમની દુર્દશા સાંભળો. આ રીતે WFI ચીફ બ્રિજ ભૂષણ શરણ સિંહ અને ભારતીય કુસ્તીબાજ વચ્ચે ચાલી રહેલા વિવાદ પર અભિનેત્રી ગૌહર ખાને પોતાની પ્રતિક્રિયા આપી છે.
ગૌહર ખાન હાલમાં પ્રેગ્નન્ટ છે
ગૌહર ખાનની વાત કરીએ તો હાલમાં તે તેનો પ્રેગ્નન્સી પીરિયડ એન્જોય કરી રહી છે. હાલમાં જ ગૌહરે બેબી શાવરનો એક ખાસ કાર્યક્રમ રાખ્યો હતો, જેમાં તમામ સેલેબ્સ પણ હાજર રહ્યા હતા. બેબી બમ્પ સાથે ગૌહરની લેટેસ્ટ તસવીરો સોશિયલ મીડિયા પર આવતી રહે છે.
