C R પાટીલના ગઢમાં ગાબડું, વધુ એક દિગ્ગજ નેતાએ આપ્યું રાજીનામુ
ગુજરાત ભાજપના પ્રદેશ અધ્યક્ષ સીઆર પાટીલના ગઢમાં વધુ એક વખત ગાબડુ પડ્યું છે. ગઈ કાલે ડાંગ જિલ્લા ભાજપ પ્રમુખ દશરથ પવારે તેમના હોદ્દા પરથી રાજીનામુ ધરી દીધું હતું. ત્યારે દક્ષિણ ગુજરાતમાં ભાજપમાંથી વધુ એક રાજીનામુ પડ્યું છે. આજે આહવા ભાજપ મંડળ પ્રમુખ સંજય ડી વ્યવહારેએ પણ રાજીનામું આપી દીધું છે.
ભાજપના વધુ એક નેતાએ આપ્યું રાજીનામુ
દક્ષિણ ગુજરાતમાં એક બાદ એક રાજીનામા પડવાના શરુ થયા છે. જેના કારણે દક્ષિણ ગુજરાતના રાજકારણમાં ભારે ગરમાવો જોવા મળી રહ્યો છે. ગઈ કાલે ડાંગ જિલ્લા ભાજપ પ્રમુખ દશરથ પવારે તેમના હોદ્દા પરથી રાજીનામુ આપી દીધું હતું ત્યારે આજે વધુ એક રાજીમામુ આપવામાં આવ્યું છે. આજે આહવા ભાજપ મંડળ પ્રમુખ સંજય ડી વ્યવહારેએ પણ પોતાના પદેથી સ્વૈચ્છિક રાજીનામું આપી દીધું છે.
ભાજપનો આંતરિક વિખવાદ ચરણ સીમાએ
મહત્વનું છે કે છેલ્લા ઘણા દિવસોથી ડાંગ ભાજપ સંગઠન અને ચૂંટાયેલ પાંખ વચ્ચે આંતરિક ખેંચતાણ ચાલી રહી હતી. ત્યારે ડાંગ જિલ્લામાં ભાજપનો આંતરિક વિખવાદ ચરણ સીમાએ પહોંચ્યો છે. ગઈ કાલે ડાંગ જિલ્લા પ્રમુખે રાજીનામુ આપ્યું હતુ.ત્યારે આજે વધુ એક રાજીનામુ પડતા રાજકારણમાં ભારે ગરમાવો આવ્યો છે. અને ડાંગ ભાજપ સંગઠનમાં આંતરિક ખેંચતાણને લઈને માહોલ ગરમાયો છે. જાણકારી મુજબ આગામી દિવસોમાં વધુ ઘણા લોકો સંગઠનના હોદ્દા પરથી રાજીનામું આપી શકે તેમ છે.
આ પણ વાંચો : રાજ્યમાં માવઠાનો વધુ એક રાઉન્ડ આવશે, આ તારીખે ભારે પવન સાથે વરસાદની આગાહી
