સૌરવ ગાંગુલી ફરી બંગાળ ક્રિકેટ એસો.ના અધ્યક્ષ બનશે

બીસીસીઆઈના પ્રમુખ સૌરવ ગાંગુલીને લઈને મોટા સમાચાર સામે આવ્યા છે. ગાંગુલી થોડા સમયમાં જ તેમનો પ્રમુખ તરીકેનો કાર્યભાર પૂર્ણ થતાં પદ છોડવાના છે તેવામાં હવે તેઓ બંગાળ ક્રિકેટ એસોસિએશનની ચૂંટણી લડવા જઈ રહ્યાના અહેવાલ સામે આવી રહ્યા છે. ગાંગુલી ભૂતકાળમાં પણ CABના પ્રમુખ રહી ચૂક્યા છે. 2015 માં જગમોહન દાલમિયાના મૃત્યુ પછી ગાંગુલીએ CAB ના પ્રમુખ તરીકેનો કાર્યભાર સંભાળ્યો. તેઓ ઓક્ટોબર 2019માં બીસીસીઆઈના પ્રમુખ બન્યા ત્યાં સુધી તેઓ CABમાં આ પદ પર હતા. સૌરવ બીસીસીઆઈ પ્રમુખ બન્યા બાદ જગમોહન દાલમિયાના પુત્ર અભિષેક દાલમિયા CAB પ્રમુખ બન્યા હતા. હવે અભિષેક દાલમિયાનો કાર્યકાળ પૂરો થવા જઈ રહ્યો છે. આવી સ્થિતિમાં સૌરવ ગાંગુલી બાકીના અધિકારીઓ સાથે ચૂંટણી લડવા જઈ રહ્યા છે. CAB પ્રમુખ પદ માટેની ચૂંટણી આ મહિનાના અંતમાં યોજાય તેવી શક્યતા છે.

BCCIમાંથી વિદાય લેવી પડશે

બીસીસીઆઈના અધ્યક્ષ પદેથી 50 વર્ષીય સૌરવ ગાંગુલીની વિદાય નિશ્ચિત થઈ ગઈ છે. ભૂતપૂર્વ ક્રિકેટર રોજર બિન્ની 18 ઓક્ટોબરે ઔપચારિક રીતે સૌરવ ગાંગુલીનું સ્થાન લેશે. રોજર બિન્ની એ ભારતીય ટીમના સભ્ય હતા જેણે કપિલ દેવની કપ્તાની હેઠળ 1983માં પ્રથમ વખત ODI વર્લ્ડ કપ જીત્યો હતો. રોજર બિન્ની બીસીસીઆઈના નવા બોસ બનવા જઈ રહ્યા છે, જ્યારે જય શાહ સેક્રેટરી તરીકે ચાલુ રહેશે.

આ પણ વાંચો : Odisha Government: દિવાળી પહેલા ઓડિશા સરકારની ભેટ, તમામ કરાર આધારિત કર્મચારીઓને કાયમી કરવાની જાહેરાત

ગાંગુલીએ પદ પરથી હટાવવા અંગે મૌન તોડ્યું હતું

થોડા દિવસો પહેલા સૌરવ ગાંગુલીએ અધ્યક્ષ પદ પરથી હટી જવા અંગે મૌન તોડ્યું હતું. સૌરવ ગાંગુલીએ કહ્યું, ‘છેલ્લા ત્રણ વર્ષમાં ઘણી સારી વસ્તુઓ થઈ છે. IPL કોરોના સમયગાળા દરમિયાન થયું જે સમગ્ર દેશ માટે મુશ્કેલ સમય હતો. પ્રસારણ અધિકારો રેકોર્ડ ભાવે વેચાયા. અંડર 19 ટીમે વર્લ્ડ કપ જીત્યો હતો. હું ઈચ્છું છું કે મહિલા ટીમ કોમનવેલ્થ ગેમ્સમાં ગોલ્ડ જીતી શકે, ઓસ્ટ્રેલિયાને હરાવી શકે. ઓસ્ટ્રેલિયામાં સિનિયર ટીમનો વિજય થયો હતો. સંચાલક તરીકે આ સોનેરી ક્ષણો હતી.