ગાંધીનગર : મહુડી હાઈવે ઉપર મર્સિડિઝે 3 કાર હડફેટે લેતા બે લોકોના મૃત્યુ

ગાંધીનગર, 8 સપ્ટેમ્બર : ગાંધીનગરના મહુડી હાઈવે પર પીપળજ પાસે મર્સિડીઝ કાર અને અન્ય વાહનો સાથે ગમખ્વાર અકસ્માત સર્જાયો હતો. આ અકસ્માતમાં 2 મહિલાના ઘટના સ્થળે મૃત્યુ નીપજ્યા હતા. આ પછી અકસ્માતને અંજામ આપી મર્સિડીઝ ચાલક ભાગી જતા ઘટના સ્થળે પહોંચેલી પોલીસે ગુનો નોંધી વધુ તપાસ હાથ ધરી છે.

કારે ત્રણ વાહનોને અડફેટે લીધા

અકસ્માત સર્જનાર મર્સિડીઝ કારે એક સાથે ત્રણ-ત્રણ વાહનોને અડફેટે લેવાની સાથે રસ્તાની બાજુમાં રહેલા પાનના ગલ્લાને પણ નુકસાન થયુ હતું. ગંભીર અકસ્માત બાદ લોકોનું ટોળું ઉમટી વળ્યું હતુ. આ પછી લોકોએ પોલીસ અને એમ્બ્યુલન્સને જાણ કરવામાં આવી હતી. ઘટના સ્થળે પોલીસ પહોંચીને વધુ તપાસ હાથ ધરી

ચાલક અકસ્માત સર્જી ફરાર થઈ ગયો

ગાંધીનગર હાઈવે પર ગમખ્વાર અકસ્માત કરીને મર્સિડીઝ કાર ચાલકે ફરાર થઈ ગયો હતો. ત્યારબાદ ઘટના સ્થળે પોલીસ પહોંચીને વધુ તપાસ હાથ ધરી છે. પોલીસે કાર ચાલક સામે ગુનો દાખલ કરી તેની શોધખોળ હાથ ધરી છે.