ગાંધીનગર : બજેટ સત્રના પ્રથમ દિવસે જ વિધાનસભા બહાર કોંગ્રેસનો વિરોધ
ગુજરાતની 15 મી વિધાનસભાનું બજેટ સત્ર આજથી શરૂ થઈ રહ્યું છે. ત્યારે આ બજેટ સત્રમાં પ્રથમ દિવસે જ પેપર લીક અંગે તૈયાર થયેલું બિલ રજૂ થશે. ત્યારે આ પહેલા જ કોંગ્રેસ વિવિધ મુદ્દાઓને લઈને સરકારનો ઘેરી રહી છે. આજે વિધાનસભા બહાર વિરોધ કરતા જોવા મળ્યા હતા.
કોંગ્રેસે વિધાનસભા બહાર કર્યો વિરોધ
આજથી વિધાનસભાનું બજેટ સત્ર શરુ થઈ રહ્યું છે. ત્યારે આ સત્ર શુ થાય તે પહેલા જ કોગ્રેસે વિવધ મુદ્દાઓને લઈને સરકારને ઘેરવાનો પ્રયત્નો કર્યો છે. અને વિધાનસભાની બહાર કોંગ્રેસના ધારાસભ્યો અમિત ચાવડા, જિગ્નેશ મેવાણી, ગેની બેન ઠાકોર સહિતના ધારાસભ્યોએ વિરોધ કર્યો હતો. આ ધારાસભ્યોએ હાથમાં બેનરો સાથે સુત્રોચ્ચાર કર્યો હતો અને ધરણા પ્રદર્શન કર્યું હતું.
વિધાનસભામાં બજેટ સત્ર શરૂ થાય તે પહેલા જ કોંગ્રેસનો વિરોધ, ભ્રષ્ટાચાર, પેપર લીક, ખેડૂત દેવા સહિતના મુદ્દે વિરોધ#Congress #politics #paperleak #CORRUPTION #politicalnews #ASSEMBLE #Budget2023 #budget #Gujarat #GujaratiNews #humdekhengenews pic.twitter.com/U2KtxCdcaS
— Hum Dekhenge News (@humdekhengenews) February 23, 2023
વિવધ મુદ્દાઓના બેનરો લખી કર્યો વિરોધ
વિધાનસભાની બહાર કોંગ્રેસના ધારાસભ્યો અમિત ચાવડા, જિગ્નેશ મેવાણી, ગેની બેન ઠાકોર સહિતના ધારાસભ્યોએ વિવધ મુદ્દાઓને સાથેના બેનરો લખી અને સત્રોચ્ચાર કરી વિરોધ નોંધાવ્યો હતો. આ બેનરોમાં પેપરફૂટ્યું, ‘યુવાનોના સપના તુટ્યા’, ‘છટકબારીનો કાયદો લાવી કોને છાવરવા માંગો છો ?’ ‘ભરતી કૌભાંડના તાર કમલમ સુધી’ ‘ભાજપ એટલે ભરતીમાં ભ્રષ્ટાચાર’, વગેરે લખાણ લખ્યા હતા.
આ પણ વાંચો : શાળા સંચાલકોએ રાજ્ય સરકાર સામે બાંયો ચઢાવી, આ મામલે કોર્ટમાં જવાની ચીમકી
