ગાંધીનગર : મનીષ સિસોદિયાની ધરપકડનો વિરોધ કરતાં આપ નેતાઓની અટકાયત
દિલ્હીમાં જે રીતે રાજકીય નેતાની ધરપકડ થઈ અને ત્યાર બાદ કેન્દ્રની ભાજપ સરકાર અને દિલ્હીની આપ સરકાર એકબીજા પર આરોપ લગાવી રહ્યા છે તેના પડઘા ગુજરાતમાં પહોંચ્યા છે. દિલ્હીના નાયબ મુખ્યમંત્રી મનિષ સિસોદિયાની CBI દ્વારા ધરપકડના વિરોધમાં ગાંધીનગર સત્યાગ્રહ છાવણી ખાતે આમ આદમી પાર્ટીના કાર્યકર્તાઓની વિરોધ કરવા પહોંચ્યા હતા.
આ પણ વાંચો : સિસોદિયાની ધરપકડ પર લાલ થયા કેજરીવાલ, કહ્યું- CBIએ બોસની વાત માનવી પડી
આજે વહેલી સવારથી જ મોટી સંખ્યામાં હાથમાં પોસ્ટર્સ સાથે AAPના કાર્યકરોએ ગાંધીનગર વિરોધ કરવા પહોંચ્યા હતા. ત્યારે પોલીસ દ્વારા આ વિરોધ કરતા કાર્યકરોની અટકાયત કરવામાં આવી હતી. વિરોધ કરી રહેલા કાર્યકર્તાઓ દ્વારા એવો આરોપ લગાવવામાં આવી રહ્યો છે કે, કેન્દ્ર સરકાર દ્વારા ખોટી રીતે મનોષ સિસોદિયાની ધરપકડ કરવામાં આવી છે. જેનો જવાબ સરકારે આપવો જોઇએ.
દિલ્હીના ઉપમુખ્યમંત્રીની ધરપકડના પડઘા ગાંધીનગરમાં
આપ કાર્યકર્તાઓનું ઉગ્ર વિરોધ પ્રદર્શન
સત્યાગ્રહ છાવણી ખાતે આમ આદમી પાર્ટીના કાર્યકર્તાઓની અટકાયત@AAPGujarat @msisodia @ArvindKejriwal #aapgujarat #ManishSisodia #ArvindKejriwal #News #gujarat #GujaratiNews #humdekhengenews pic.twitter.com/YChfFvmLTR— Hum Dekhenge News (@humdekhengenews) February 27, 2023
આ તરફ વિધાનસભામાં પણ મનીષ સિસોદિયાનો મુદ્દો ઉઠ્યો હતો. જેમાં આપના ડેડિયાપાડાના MLA ચૈતર વસાવાએ કહ્યું કે, ગઈકાલે દિલ્હીના ઉપ મુખ્યમંત્રી મનીષ સિસોદીયાની ધરપકડ કરવામાં આવી છે. આમ આદમી પાર્ટીની વધતી જતી લોકપ્રિયતા ભાજપને પચતી નથી. 10 હજાર કરોડના દારૂના ગોટાળા અંગે ધરપકડ કરવામાં આવી છે. અમે પુછીયે છીએ કે તેમની પર જેટલી વાર રેડ કરી ત્યારે શું મળ્યું? દેશની એજન્સીઓનો દુરુપયોગ કરી AAPને દબાવવાનો પ્રયત્ન થઈ રહ્યો છે. અમે ડરવાના નથી. અમે ગૃહમાં પણ મુદ્દો ઉઠાવીશું.
ગાંધીનગર વિધાનસભામાં ગુંજ્યો મનીષ સિસોદિયાની ધરપકડનો મુદ્દો
ડેડીયાપાડાના ધારાસભ્ય ચૈતર વસાવાએ કહ્યું, આમ આદમી પાર્ટીની વધતી જતી લોકપ્રિયતા ભાજપને પચતી નથી
દેશની એજન્સીઓનો દુરુપયોગ કરી આપને દબાવવાનો પ્રયત્ન થઈ રહ્યો છે@Chaitar_Vasava #ManishSisodiaArrested #humdekhengenews pic.twitter.com/pH2KVzeeHn— Hum Dekhenge News (@humdekhengenews) February 27, 2023
દિલ્હીના ડેપ્યુટી સીએમ મનીષ સિસોદિયાની દારૂ કૌભાંડમાં ધરપકડ, 8 કલાકની પૂછપરછ બાદ CBIએ રવિવારે ધરપકડ કરી હતી. આ પહેલા સીબીઆઈએ આ કેસમાં એક અધિકારીનું નિવેદન નોંધ્યું હતું. તપાસ એજન્સીનો દાવો છે કે આ મામલામાં તેણે કહ્યું હતું કે, મનીષ સિસોદિયા એક્સાઇઝ પોલિસી તૈયાર કરવામાં મહત્વની ભૂમિકા ભજવી હતી અને કેટલાક નિર્દેશ આપ્યા હતા.
આ પણ વાંચો : ‘CM કેજરીવાલ અડધું કમિશન લેતા હતા’, ભાજપે મનીષ સિસોદિયાની ધરપકડ પર નિશાન સાધ્યું
