રાજકોટ-જામનગર હાઇવે પર ગમખ્વાર અકસ્માત, એક બાળકી સહિત ત્રણના મોત

રાજકોટ -જામનગર હાઇવે હવે લોકો માટે ભયજનક બન્યો હોય તેવી રીતે અકસ્માતની ઘટનાઓ સાને આવી રહી છે. બે દિવસ પૂર્વે જ ધ્રોલ નજીક અકસ્માત થતા ત્રણ મિત્રોના મોત નિપજ્યા હતા. ત્યારે જામનગરના ધ્રોલ પંથકમાં વધુ એક અકસ્માતની ઘટના સામે આવી છે. જેમાં લગ્ન પ્રસંગમાંથી પરત ફરી રહેલા એક પરિવારને અકસ્માત નડતા એક એક મહિલા, એક પુરુષ અને એક બાળકીના કરુણ મોત નિપજ્યા હતા.

અકસ્માતમાં એક બાળકી સહિત 3 ના મોત

મળતી માહિતી અનુસાર જામનગરના ધ્રોલ પંથકમાં એક ગમખ્વાર અકસ્માતની ઘટના ઘટી હતા. જાણકારી મુજબ ગતરાત્રીના 1 વાગ્યાના અરસામાં ધ્રોલના જાયવા નજીક રાજકોટ લગ્નપ્રસંગમાંથી પરત જામનગર આવી રહેલ મૂળ જામનગરમાં જ રહેતા પરિવારની કાર ટ્રક પાછળ ઘુસી ગઈ હતી. આ અકસ્માતમાં કારમાં સવાર એક મહિલા, એક પુરુષનું સ્થળ પર જ મોત નીપજ્યું હતું. જયારે કારમાં રહેલ દોઢ વર્ષની બાળકીને ગંભીર ઈજાઓ પહોંચતા તેને સારવાર અર્થે જામનગર ખસેડવામાં આવી રહી હતી તે દરમિયાન રસ્તામાં જ તેનું પણ મોત નિપજ્યું હતું. આમ આ અકસ્માતના એક આખો પરિવાર વિખેરાઈ ગયો હતો. જ્યારે કારમાં બેઠેલા અન્ય મહિલા સહિત બેને પણ ગંભીર ઈજા પહોંચતા તેમને સારવાર અર્થે હોસ્પિટલે ખસેડવામાં આવ્યા છે.

લગ્નમાંથી પરત ફરતા પરિવારને નડ્યો અકસ્માત

રાજકોટ ખાતે લગ્ન પ્રસંગમાં હાજરી આપી પરત જામનગર જતા પટેલ પરિવારની કારને અકસ્માત નડ્યો હતો. આ અકસ્માતમા એક બાળકી સહિત એક જ પરિવારના ત્રણ સભ્યોના મોત નિપજતા શોકના માહોલ વ્યાપી ગયો છે. જો કે આ ઘટનાની જાણ પોલીસને કરાતા પોલીસ ઘટના સ્થળે પહોંચી વધુ કાર્યવાહી હાથ ધરી છે.

આ પણ વાંચો : કોરોના બાદ આ દેશમાં નવા રોગે મચાવ્યો હાહાકાર, કડક લોકડાઉન લાગું