પાટણના વારાહી પાસે ગમખ્વાર અકસ્માત, 6ના મોત, 9 ઈજાગ્રસ્ત

પાટણ વારાહી નજીક જીપ અને ટ્રક વચ્ચે ગમખ્વાર અકસ્માત સર્જાયો છે. જેમા વારાહી હાઈવે પર મોટી પીપળી ગામના પાટિયા પાસે જીપ ટ્રકમાં ઘૂસી ગઈ હતી. આ અકસ્માતમા 6 લોકોનાં મોત નિપજ્યા હતા જ્યારે નવ લોકો ઈજાગ્રસ્ત થયા હતા.

પાટણના વારાહી પાસે જીપ અને ટ્રક વચ્ચે અકસ્માત

પ્રાપ્ત જાણકારી અનુસાર પાટણ જિલ્લાના રાધનપુર વારાહી હાઇવે માર્ગ પર મોટી પીપળી નજીક એક જીપ રાજસ્થાનના મજૂરોને લઈને પસાર થઈ રહી હતી. આ દરમિયાન જીપનું ટાયર ફાટતા રોડ પર ઉભેલ ટ્રક સાથે જીભ અથડાઈ હતી. આ અકસ્માતમાં 6 લોકોના ઘટનાસ્થળે જ કરૂણ મોત નીપજ્યા હતા. અને આ અકસ્માતમાં જીપના ફૂરચેફૂરચા ઉડી ગયા હતા.

પોલીસે ઘટના સ્થળે પહોંચી કાર્યવાહી હાથ ધરી

આ ઘટનામાં જીપ ટ્રક સાથે અથડાતા જીપમાં સવાર 6 લોકોના મોત નિપજ્યા હતા. જ્યારે નવ જેટલા લોકો ઈજાગ્રસ્ત થતાં તેમને તાત્કાલિક સારવાર અર્થે રાધનપુર ની રેફરલ હોસ્પિટલ ખાતે ખસેડવામાં આવ્યા હતા. આ ઘટના અંગે પોલીસને જાણ કરતા પોલીસનો કાફલો તાત્કાલિક ઘટના સ્થળે દોડી આવ્યો હતો અને આ અકસ્માતમાં ઈજાગ્રસ્તોને બહાર કાઢી તાત્કાલિક સારવાર અર્થે હોસ્પિટલ ખસેડવામાં આવ્યા હતા. તો બીજી તરફ આ અકસ્માતને પગલે સાંતલપુર હાઇવે ઉપર ભારે ટ્રાફિક જામ થયો હતો.

આ પણ વાંચો : સિંગતેલના ભાવમાં બે દિવસમાં તોતિંગ વધારો, જાણો હવે કેટલામાં પડશે તેલનો ડબ્બો