રશિયા અને ચીનના રાષ્ટ્રપતિ G-20 સમિટમાં ભાગ ન લેવા અંગે વિદેશ મંત્રી એસ જયશંકરે શું કહ્યું?
HD ન્યૂઝ ડેસ્કઃ ભારતમાં યોજાનારી G-20 સમિટ માટે વિશ્વભરના નેતાઓ દિલ્હીની મુલાકાતે જવાના છે. આ બધાની વચ્ચે ચીનના રાષ્ટ્રપતિ શી જિનપિંગ અને રશિયાના રાષ્ટ્રપતિ વ્લાદિમીર પુતિન આ સમિટમાં ભાગ લઈ રહ્યા નથી. આ અંગે વિદેશ મંત્રી એસ જયશંકરે કહ્યું કે ઘણી વખત એવું બને છે કે કોઈ કારણોસર ચીફ આવી શકતા નથી, તેમની જગ્યાએ તે દેશના પ્રતિનિધિઓ પોતાના વિચારો રજૂ કરે છે.
ન આવવાનો નિર્ણયઃ ન્યૂઝ એજન્સી સાથે વાત કરતા, તેમણે કહ્યું, “મને લાગે છે કે G20 માં અલગ-અલગ સમયે કેટલાક રાષ્ટ્રપતિ અથવા વડા પ્રધાનો રહ્યા છે જેમણે કોઈ કારણસર ન આવવાનો નિર્ણય લીધો છે, પરંતુ તે પ્રસંગે જે પણ તે દેશના પ્રતિનિધિ છે, તે વિચાર રજુ કરે છે. મને લાગે છે કે દરેક વ્યક્તિ ઘણી ગંભીરતા સાથે આવી રહ્યા છે.” તેમણે આગળ કહ્યું, “ મને લાગે છે કે કોઈપણ દેશ દુનિયાની સામે પોતાની સ્થિતિ રજૂ કરવાનો પ્રયાસ કરશે. મને લાગે છે કે ચાલો રાહ જોઈએ અને જોઈએ કે વાટાઘાટોમાં ખરેખર શું થાય છે.”
#WATCH मुझे लगता है कि G20 में अलग-अलग समय पर कुछ ऐसे राष्ट्रपति या प्रधानमंत्री रहे हैं जिन्होंने कुछ कारणवश न आने का फैसला किया है। लेकिन उस अवसर पर जो भी उस देश का प्रतिनिधि होता है, वह अपने देश और उसकी स्थिति को सामने रखता है। मुझे लगता है कि हर कोई बहुत गंभीरता के साथ आ रहा… pic.twitter.com/JongjzlE2O
— ANI_HindiNews (@AHindinews) September 6, 2023
દેશની સ્થિતિનું અંતિમ નિર્ણાયકઃ અગાઉ દૂરદર્શન સંવાદમાં બોલતા, તેમણે કહ્યું હતું કે, “અંતમાં દેશોનું પ્રતિનિધિત્વ તે વ્યક્તિ કરે છે જે ચૂંટાયા છે. તેથી, પ્રતિનિધિત્વનું સ્તર દેશની સ્થિતિનું અંતિમ નિર્ણાયક બની શકતું નથી. તેથી હું કહીશ કે કયો દેશ કયા તબક્કે આવવાનું પસંદ કરે છે તેના પર ધ્યાન કેન્દ્રિત કરવાને બદલે, વાસ્તવિક મુદ્દો એ છે કે તેઓ જ્યારે આવે છે ત્યારે તેઓ શું પોઝિશન લે છે.
આ પણ વાંચોઃ INDIAને ‘ભારત’ કરવાનો 19 વર્ષ પહેલા મુલાયમ સિંહ યાદવે રજૂ કર્યો હતો પ્રસ્તાવ
