વર્ષ 2022માં લેવાયેલી ઓલ ઈન્ડિયા ચાર્ટર્ડ એકાઉન્ટન્ટની ફાઈનલ પરીક્ષાના પરિણામ જાહેર થયા છે. જેમાં સુરતની સૃષ્ટિ સંઘવીએ દેશભરમાં ત્રીજો ક્રમ મેળવીને સુરત સહિત ગુજરાતનું નામ રોશન કર્યું છે. દેશભરમાંથી CAના ગ્રુપમાં 29,348 વિદ્યાર્થીઓએ પરીક્ષા આપી હતી. જેમાં દેશભરમાંથી 3,695 જેટલા વિદ્યાર્થીઓ પાસ થયા છે. જેમાંથી સૃષ્ટિ સંઘવીને દેશભરમાં ત્રીજો ક્રમ મેળવવામાં સફળતા મળી છે.
સૃષ્ટિની સફળતાની કહાની
સૃષ્ટિએ જણાવ્યું હતું કે, CAનો અભ્યાસક્રમ ખુબ મોટો હતો. જેથી તેણે સંપૂર્ણ ફોકસ અભ્યાસ પર કર્યું હતું. તેના માટે તેણે સોશિયલ મીડિયાના દરેક પ્લેટફોર્મ ઉપરથી એક્ટિવ રહેવાનું છોડી દીધું હતું.
CA ફાઈનલમાં સુરતની સૃષ્ટિ સંઘવી ઓલ ઈન્ડિયામાં ત્રીજો રેન્ક મેળવ્યો
– ગુજરાતમાં પ્રથમ ક્રમ#cafinalresult #cafinalresults #Surat #Gujarat @jitu_vaghani @RaviChhawchhar1 pic.twitter.com/c89xSTrWeL— Hum Dekhenge News (@humdekhengenews) July 15, 2022
તેને ડાન્સનો શોખ છે. જેથી પરીક્ષા દરમિયાન તે રિલેક્સ થવા માટે ડાન્સ કરતી હતી. રિવિઝન વગર આ પરીક્ષા ક્લિયર કરવી ખૂબ અઘરી થઈ જાય છે. જેથી તેને સતત રિવિઝન કરવું જોઈએ. સાથે જ અઘરા વિષયને પણ ઇન્ટરેસ્ટિંગ બનાવવા માટે તમારે પહેલેથી જ ગોલ રાખવો પડે છે. આ ઉપરાંત જુના પેપરને પણ સોલ્વ કરવા પડે છે. સતત પેપર સોલ અને રિવિઝનના કારણે સફળતા મળી શકે છે.
પરિવારના સભ્યો પણ CA
સૃષ્ટિ સંઘવીના પરિવારમાં દાદા અશ્વિન સંઘવી, પિતા કેયુર સંઘવી, કાકા CA છે અને હવે દીકરી પણ CA થઈ જતા પરિવારજનો આનંદમાં આવી ગયા છે. આ ઉપરાંત સૃષ્ટિની સગાઇ થઇ ગઈ છે અને તેમનો ફિયાન્સ હર્ષ પણ CAની પ્રેક્ટિસ કરે છે. સૃષ્ટિના દાદા અશ્વિન સંઘવી ઈન્સ્ટીટ્યુટ ઓફ ચાર્ટર્ડ એકાઉન્ટન્ટ્સ ઓફ ઈન્ડિયાની સુરત શાખાના ભૂતપૂર્વ ચેરમેન હતા. સૃષ્ટિએ જણાવ્યું હતું કે પરિવારમાં મોટાભાગના સભ્યો CA હોવાથી મને પહેલે દિવસથી જ એટલે કે બાળપણથી જ સીએ બનવાની ઈચ્છા હતી. જેથી હું એ મુજબ તૈયારી કરતી હતી. જેના કારણે આજે સફળતા મળી છે. ફિયાન્સ હર્ષ દ્વારા પૂરતો સપોર્ટ મળ્યો હતો. તેણે હમણાં જ CA કમ્પ્લીટ કર્યું હોવાથી તેની પાસે કોઈ ડાઉટસ હોય તો સોલ્વ કરવાનું મોકો મળતો હતો અને તે પણ મને કહેતા હતા કે કઈ રીતે આ અઘરી ગણાતી પરીક્ષાને આપણે ક્લિયર કરી શકીએ.
ઈન્ટરમિડીયેટમાં 10મો ક્રમ
સીએની ઇન્ટરમિડીયેટમાં અગાઉ સૃષ્ટિનો દસમો ક્રમ ઓલ ઇન્ડિયામાં આવ્યો હતો. ત્યારથી તે સતત તૈયારી કરતી હતી. રોજના 10 થી 12 કલાક તૈયારી કરતી હતી. આર્ટીકલશિપના ત્રણ વર્ષ દરમિયાન પણ તેણે તૈયારી કરતી હતી. જેના કારણે આ સફળતા મળી છે.
