1 જુલાઇથી મંગળ ગોચરઃ આ ચાર રાશિઓના લોકો થશે માલામાલ

• મંગળ ખુબ જ શક્તિશાળી ગ્રહ મનાય છે
• મંગળ અગ્નિ તત્વની રાશિ સિંહમાં ગોચર કરશે
• આર્થિક બાબતમાં અમુક રાશિઓને થશે ફાયદો

1 જુલાઇથી મંગળ સિંહ રાશિમાં ગોચર કરશે. જ્યોતિષીમાં મંગળને ખૂબ જ શક્તિશાળી ગ્રહ કહેવાય છે. મંગળ અગ્નિ તત્વની રાશિ સિંહ રાશિમાં ગોચર કરવા જઇ રહ્યો છે. મંગળનું આ ગોચર ચાર રાશિઓના લોકો માટે આર્થિક અને કરિયરની બાબતમાં સારુ રહેશે. કઇ રાશિઓ પર મંગળની સકારાત્મક અસર રહેશે?

મિથુન રાશિ

મંગળ મિથુન રાશિના જાતકોના ત્રીજા ઘરમાં ગોચર કરશે. આ સમયગાળામાં ધન સંબંધિત બાબતોમાં કંઇક મોટુ કામ થઇ શકે છે, જોકે થોડી સાવધાનીથી આગળ વધજો. આરોગ્ય સંબંધિત બાબતોમાં તમે સારો અનુભવ કરી શકો છો. આ રાશિના જે લોકો વેપાર કરે છે, તેમને સારા અવસર મળશે. જેની મદદથી સફળતા મળશે. દાંપત્યજીવન માટે પણ સારો સમય રહેશે. પતિ-પત્ની વચ્ચે તાલમેલ જોવા મળશે. ભગવાન શિવની ઉપાસના કરવી.

સિંહ રાશિ

મંગળ તમારી ખુદની રાશિ સિંહમાં ગોચર કરશે. આ દરમિયાન તમારી હેલ્થ સારી રહેશે. છેલ્લા કેટલાક સમયથી તમે જે આરોગ્ય સમસ્યાઓ સામે લડી રહ્યા હશો, તેમાંથી બહાર આવશો. પતિ-પત્નીના સંબંધો સારા રહેશે. તમારા રિલેશનમાં ખુશ રહેશો. વેપાર-ધંધામાં ફાયદો થશે.

તુલા રાશિ

મંગળનું આ ગોચર તુલા રાશિના જાતકોના 11માં ઘરમાં થવા જઇ રહ્યુ છે. તુલા રાશિના લોકો માટે આ સમય સારો રહેશે. આ દરમિયાન તમને ખાસ્સો લાભ મળશે. તમને કાર્યક્ષેત્રમાં પણ લાભ થશે. છેલ્લા ઘણા સમયથી તમે જે સમસ્યાઓનો સામનો કરતા હશો તેમાથી બહાર આવી શકશો. બિઝનેસ કરતા લોકો અને નોકરિયાતો માટે સારો સમય છે. તમારા કામની પ્રશંસા થશે. આ સમયગાળામાં તમારે ગણેશજીની પૂજા કરવી અને રોજ દુર્વા ચઢાવો.

ધન રાશિ

ધન રાશિના લોકો માટે મંગળ નવમાં ઘરમાં ગોચર કરશે. તમારા ભાગ્ય સ્થાન પર આ ગોચર રહેશે. આરોગ્ય માટે આ ગોચર સારુ રહેશે. આ રાશિના વેપારીઓ અને નોકરિયાતોને નવુ કામ મળી શકે છે. ધન લાભની પણ શક્યતાઓ છે. નોકરિયાતોને પ્રમોશનના ચાન્સ પણ છે. મંગળનું આ ગોચર તમારા માટે સારુ રહેશે. ભગવાન શિવની ઉપાસના કરવી

આ પણ વાંચોઃ ચાતુર્માસના 148 દિવસોઃ આવશે હિન્દુઓના તમામ મોટા તહેવારો