થરાદના નાગલા ગામે પાણી ભરાતા ચાર પરિવારનું સ્થળાંતર, અમીરગઢના સવાનીયા ગામમાં આવન- જાવન બંધ
પાલનપુર: બનાસકાંઠા જિલ્લામાં છેલ્લા ૨૪ કલાકથી પડી રહેલા ભારે વરસાદના કારણે થરાદ તાલુકાના નીચાણવાળા ગામ નાગલામાં પાણી ભરાયા છે. આ ગામમાં દર વર્ષે ચોમાસામાં વરસાદના પાણી ભરાય છે. જેને લઈને અનેક પરિવારોને કફોડી સ્થિતિમાં મુકાઈ જતા હોય છે. જિલ્લામાં છેલ્લા બે દિવસથી વરસી રહેલા ભારે વરસાદના પગલે નાગલા ગામમાં વરસાદી પાણીથી કોઇ જાનમાલને નુકશાન થયું નથી પરંતું સલામતિ અને સુરક્ષાને ધ્યાનમાં રાખીને હાલ ચાર કુંટુંબોને ઉંચાણવાળી જગ્યાએ શિફ્ટ કરવામાં આવ્યા છે અને તેમના માટે રહેવાની વ્યવસ્થા કરવામાં આવી છે.
બનાસકાંઠા જિલ્લામાં છેલ્લા ૨૪ કલાકથી પડી રહેલા ભારે વરસાદના કારણે અમીરગઢ વિસ્તારમાં વહેતી બનાસ નદીમાં ભારે માત્રામાં પાણીઓ આવરો થઇ રહ્યો છે.#monsoon #Monsoon2022 #rain #rainyseason #palanpur #Gujarat #GujaratiNews #humdekhengenews pic.twitter.com/pNrTJagsxr
— Hum Dekhenge News (@humdekhengenews) August 17, 2022
સરપંચ અને તલાટી સતત ગ્રામજનોના સંપર્કમાં
બનાસકાંઠા જિલ્લામાં છેલ્લા ૨૪ કલાકથી પડી રહેલા ભારે વરસાદના કારણે અમીરગઢ વિસ્તારમાં વહેતી બનાસ નદીમાં ભારે માત્રામાં પાણીઓ આવરો થઇ રહ્યો છે. અમીરગઢ તાલુકાના બબુકરી, કલેડી અને ખડેડા ગામના નદીના વહેણમાં ભારે પૂર જેવી સ્થિતિ સર્જાતા હાલમાં રબારિયા ગ્રામ પંચાયતનું સવાનીયા ગામમાં આવન- જાવન થઈ શકે તેમ નથી. જોકે સવાનીયા ગામમાં હાલ કોઇ જાનહાની કે નુકશાનની સમાચાર નથી તથા રબારીયા ગામના સરપંચ અને તલાટી સતત ગ્રામજનોના સંપર્કમાં છે અને જિલ્લા વહીવટીતંત્ર દ્વારા આ ગામો પર સીધી નજર રાખવામાં આવી રહી છે.
