પૂર્વ મહિલા ક્રિકેટર ઈશા ગુહાએ બુમરાહની માંગી માફી, કહ્યું: મારો હેતુ દુઃખ પહોંચાડવાનો નહોતો

• ઈશા ગુહા ઓસ્ટ્રેલિયામાં બોર્ડર-ગાવસ્કર ટ્રોફી દરમિયાન બુમરાહની શાનદાર બોલિંગ વિશે વાત કરી રહી હતી

HD ન્યૂઝ ડેસ્ક, 16 ડિસેમ્બર: ઇંગ્લેન્ડની પૂર્વ ક્રિકેટર અને વર્તમાન કોમેન્ટેટર ઈશા ગુહાએ આજે સોમવારે ગાબા ટેસ્ટના ત્રીજા દિવસ પહેલા જસપ્રિત બુમરાહ માટે ‘પ્રાઈમેટ’ શબ્દનો ઉપયોગ કરવા બદલ માફી માંગી છે. 15 ડિસેમ્બરે ગાબા ટેસ્ટના બીજા દિવસે આ શબ્દ વાયરલ થયો હતો. ગુહા ઓસ્ટ્રેલિયામાં બોર્ડર-ગાવસ્કર ટ્રોફી દરમિયાન બુમરાહની શાનદાર બોલિંગ વિશે વાત કરી રહી હતી. આ દિવસે બૂમરાહે સિરીઝમાં બીજી પાંચ વિકેટ ઝડપી હતી. ભારતીય બોલરોમાં તે એકમાત્ર એવો બોલર હતો જે ઘાતક સાબિત થયો હતો. આ દરમિયાન કોમેન્ટેટર ગુહાએ બુમરાહને MVP ગણાવ્યો હતો. MVPનું ફુલ ફોર્મ ‘મોસ્ટ વેલ્યુએબલ પ્લેયર’ને છે પરંતુ તેણીએ ‘મોસ્ટ વેલ્યુએબલ પ્રાઈમેટ’નો ઉપયોગ કર્યો. ગુહાએ એવું પણ કહ્યું કે ભારતીય ફાસ્ટ બોલરને બીજા છેડેથી પણ કેટલાક સપોર્ટની જરૂર છે.

કોમેન્ટેટર ઈશા ગુહાએ શું કહ્યું?

ગુહાએ કહ્યું કે, ‘MVP: મોસ્ટ વેલ્યુએબલ પ્રાઈમેટ. તે એવો બોલર છે જેણે ભારત માટે ઘણું કર્યું છે. આ ટેસ્ટ મેચની તૈયારીમાં તેના પર આટલું ધ્યાન કેમ આપવામાં આવી રહ્યું છે અને શું તે આગળ જતાં ફિટ રહી શકશે? તેને બીજા છેડેથી કેટલાક સમર્થનની જરૂર છે.’ જોકે, ગુહા દ્વારા વપરાયેલ ‘પ્રાઈમેટ’ શબ્દ સોશિયલ મીડિયા પર વાયરલ થયો હતો. આ શબ્દનો ઉપયોગ કરવા બદલ ચાહકોએ તેને ઘેરી લીધી હતી.

કોમેન્ટેટર ગુહા ગાબા ટેસ્ટના ત્રીજા દિવસ પહેલા ફોક્સ ક્રિકેટ પરના તેના ઓન-એર નિવેદન માટે માફી માંગી હતી. ગુહાએ આ શબ્દના ઉપયોગથી થયેલી કોઈપણ ભૂલ બદલ માફી માંગતા કહ્યું કે, તે માત્ર બુમરાહના વખાણ કરવા માંગતી હતી અને તેણીએ સ્વીકાર્યું કે, તેને અંતમાં ખોટા શબ્દનો ઉપયોગ કર્યો હતો. ગુહાએ આશા વ્યક્ત કરી હતી કે, લોકો સમજશે કે બુમરાહ વિશે તેની ટિપ્પણીઓમાં કોઈ દ્વેષ નથી. રવિવારે કોમેન્ટ્રીમાં મેં એક શબ્દનો ઉપયોગ કર્યો હતો જેને ઘણી અલગ રીતે અર્થઘટન કરી શકાય છે. હું કોઈપણ ભૂલ માટે માફી માંગવા માંગુ છું. જ્યારે અન્ય લોકો માટે કરુણા અને આદરની વાત આવે છે ત્યારે હું મારા માટે ખરેખર ઉચ્ચ ધોરણો સેટ કરું છું.

ગુહાએ કહ્યું કે, ‘જો તમે સંપૂર્ણ ટ્રાન્સક્રિપ્ટ સાંભળો છો, તો મારો મતલબ એ હતો કે ભારતના મહાન ખેલાડીઓમાંના એકની સૌથી વધુ પ્રશંસા કરવી. બુમરાહ એક એવો ખેલાડી છે જેની હું ખૂબ પ્રશંસા કરું છું. હું સમાનતામાં માનું છું અને એક વ્યક્તિ તરીકે જેણે તેની કારકિર્દી રમતને સમજવા અને જીવવામાં પસાર કરી છે, હું તેનો આદર કરું છું.

ઈશા ગુહાએ કહ્યું કે, ‘હું બુમરાહની સિદ્ધિઓ કહેવાનો પ્રયાસ કરી રહી હતી અને મેં ખોટો શબ્દ પસંદ કર્યો અને આ માટે હું ખૂબ જ દિલગીર છું. દક્ષિણ એશિયાઈ મૂળના વ્યક્તિ તરીકે, મને આશા છે કે લોકો સમજશે કે અન્ય કોઈ ઈરાદો કે દ્વેષ ન હતો. હું આ મેચ કેવી રીતે આગળ વધે છે તે જોવા માટે ઉત્સુક છું. ભારતીય ક્રિકેટના દિગ્ગજ ખેલાડી રવિ શાસ્ત્રીએ માફી માંગતા ઈશા ગુહાની બહાદુરીની પ્રશંસા કરી છે. ભૂતપૂર્વ ભારતીય કોચે એ પણ ખુલાસો કર્યો કે, તેઓ ભારતીય કેમ્પના સંપર્કમાં હતા અને ભારતીય ક્રિકેટરો ગુહાની ટિપ્પણીઓથી દુઃખી થયા નથી.

આ પણ જૂઓ: IND vs AUS: ભારત પરત ફરશે આ 3 ખેલાડી, જાણો શા કારણે તેઓ પરત ફરી રહ્યા છે