પૂર્વ કાયદા મંત્રી અને વરિષ્ઠ વકીલ શાંતિ ભૂષણનું 97 વર્ષની વયે નિધન

દેશના પૂર્વ કાયદા મંત્રી અને વરિષ્ઠ વકીલ શાંતિ ભૂષણનું મંગળવારે નિધન થયું છે. તેઓ 97 વર્ષના હતા. તેમણે દિલ્હીમાં તેમના નિવાસસ્થાને અંતિમ શ્વાસ લીધા. વકીલ શાંતિ ભૂષણે જ અલ્હાબાદ હાઈકોર્ટમાં ખૂબ જ પ્રખ્યાત કેસમાં રાજનારાયણનું પ્રતિનિધિત્વ કર્યું હતું. ઉપરાંત 1974માં ઈન્દિરા ગાંધીને વડાપ્રધાન પદ પરથી હટી જવાનો આદેશ આપવામાં આવ્યો હતો. તેમણે મોરારજી દેસાઈ મંત્રાલયમાં 1977 થી 1979 સુધી ભારતના કાયદા પ્રધાન તરીકે સેવા આપી હતી.

રાજકારણમાં મોટો ફાળો

2018 માં ભૂતપૂર્વ કાયદા પ્રધાન શાંતિ ભૂષણે ‘માસ્ટર ઑફ રોસ્ટર’ સિસ્ટમમાં ફેરફારની માંગણી સાથે સુપ્રીમ કોર્ટમાં જાહેર હિતની અરજી દાખલ કરી હતી. અરજીમાં એવી વિનંતી કરવામાં આવી હતી કે રોસ્ટર હેઠળની બેન્ચને કેસ મોકલવા માટે સિદ્ધાંત અને પ્રક્રિયા નક્કી કરવામાં આવે. શાંતિ ભૂષણે પોતાના પુત્ર અને વકીલ પ્રશાંત ભૂષણ દ્વારા આ અરજી દાખલ કરી હતી. શાંતિ ભૂષણ કોંગ્રેસ (O) પાર્ટી અને પછી જનતા પાર્ટીના સક્રિય સભ્ય થયા હતા. તેઓ 14 જુલાઈ 1977 થી 2 એપ્રિલ 1980 સુધી રાજ્યસભાના સભ્ય પણ હતા. 1980માં તેઓ ભારતીય જનતા પાર્ટીમાં જોડાયા. 1986 માં, જ્યારે ભારતીય જનતા પાર્ટીએ ચૂંટણી અરજી પર તેમની સલાહ સ્વીકારી ન હતી, ત્યારે તેમણે પાર્ટીમાંથી રાજીનામું આપી દીધું હતું. શાંતિ ભૂષણ અને તેમના પુત્ર પ્રશાંત ભૂષણ અણ્ણા આંદોલનમાં સક્રિય રીતે સામેલ હતા.

શું કહ્યું પીએમ મોદીએ ?

પીએમ નરેન્દ્ર મોદીએ પૂર્વ કાયદા મંત્રી અને વરિષ્ઠ વકીલ શાંતિ ભૂષણના નિધન પર શોક વ્યક્ત કર્યો હતો. પીએમ મોદીએ ટ્વિટ કર્યું કે તેમને કાયદાકીય ક્ષેત્રમાં તેમના યોગદાન અને વંચિતો માટે બોલવાના તેમના જુસ્સા માટે યાદ કરવામાં આવશે. તેમના મૃત્યુથી હું દુખી છું.