દિલ્હીના પૂર્વ મંત્રી સત્યેન્દ્ર જૈનના જામીન રદ, સુપ્રીમ કોર્ટે સરેન્ડરનો આદેશ આપ્યો
નવી દિલ્હી, 18 માર્ચ: મની લોન્ડરિંગ કેસમાં કાર્યવાહીનો સામનો કરી રહેલા દિલ્હી સરકારના પૂર્વ મંત્રી અને આમ આદમી પાર્ટીના નેતા સત્યેન્દ્ર જૈનને સુપ્રીમ કોર્ટ તરફથી મોટો ઝટકો લાગ્યો છે. સુપ્રીમ કોર્ટે સોમવારે મની લોન્ડરિંગ કેસમાં દિલ્હીના પૂર્વ મંત્રી સત્યેન્દ્ર જૈનની જામીન અરજી ફગાવી દીધી છે. આ સાથે સુપ્રીમ કોર્ટે પૂર્વ મંત્રીને તાત્કાલિક સરેન્ડરનો આદેશ આપ્યો છે.
Supreme Court rejects bail plea of former Delhi Minister Satyendar Jain in money laundering case. pic.twitter.com/TKxazE8nPK
— ANI (@ANI) March 18, 2024
જૈન તબીબી કારણોસર જેલની બહાર હતા
સત્યેન્દ્ર જૈન 9 મહિનાથી વધુ સમયથી તબીબી આધાર પર જેલની બહાર હતા. સુપ્રીમ કોર્ટે 26 મે, 2023ના રોજ જૈનને તબીબી આધાર પર વચગાળાના જામીન આપ્યા હતા અને સમયાંતરે તેને લંબાવવામાં આવ્યા હતા. ED એ કથિત રીતે જોડાયેલી ચાર કંપનીઓ દ્વારા મની લોન્ડરિંગના આરોપમાં સત્યેન્દ્ર જૈનની 30 મે, 2022ના રોજ ધરપકડ કરી હતી. જો કે, જૈને આ આરોપોને નકારી કાઢ્યા છે.
જામીન વધુ એક સપ્તાહ લંબાવવાની અપીલ
સત્યેન્દ્ર જૈનના વકીલોએ સુપ્રીમ કોર્ટમાં તેમના જામીન વધુ એક સપ્તાહ લંબાવવાની અપીલ કરી હતી. કોર્ટમાં અરજી કરતા વકીલે કહ્યું કે જામીન ઓછામાં ઓછા એક સપ્તાહ માટે લંબાવવા જોઈએ પરંતુ કોર્ટે તે સ્વીકાર્યું ન હતું. સુપ્રીમ કોર્ટે આદેશ આપ્યો અને સત્યેન્દ્ર જૈનને સરેન્ડર કરવા કહ્યું. આદેશ મુજબ તેમણે આજે જ આત્મસમર્પણ કરવું પડશે.
આ પણ વાંચો: જળ બોર્ડ કૌભાંડમાં CM કેજરીવાલ ED સમક્ષ હાજર નહીં થાય, નોટિસને કહ્યું ગેરકાયદે
