કોંગ્રેસના પૂર્વ ધારાસભ્ય પ્રતાપ દૂધાતે કહ્યું, અમારો અભિમન્યુ નવ કોઠા વિંધી રૂપાલાને હરાવશે

રાજકોટ, 19 ફેબ્રુઆરી 2024, લોકસભાની ચૂંટણી પ્રક્રિયામાં આજે ઉમેદવારી નોંધાવવાનો છેલ્લો દિવસ છે. રાજકોટ લોકસભા બેઠકના કોંગ્રેસના ઉમેદવાર પરેશ ધાનાણી આજે પોતાનું ઉમેદવારી ફોર્મ ભરશે. બહુમાળી ભવન ચોક પાસે રેસકોર્સના મેદાનમાં રાખેલી સભામાં લાઈટ ગુલ થતા લોકો આશ્ચર્યમાં મૂકાઈ ગયા હતા.ધાનાણી પગપાળા કબા ગાંધીના ડેલે પહોંચ્યા હતા.ગાંધીજી સમક્ષ શિશ ઝુકાવ્યું હતું. તેમજ સિવિલ હોસ્પિટલ ચોકમાં બાબા સાહેબ આંબેડકરની પ્રતિમાને હાર પહેરાવી બહુમાળી ચોક ખાતે સરદાર પટેલની પ્રતિમા સમક્ષ શીશ ઝુકાવ્યું હતું. સભામાં શક્તિસિંહ ગોહિલ અને ક્રિકેટર રવીન્દ્ર જાડેજાના બહેન નયનાબા જાડેજા પણ હાજર છે. કોંગ્રેસના પૂર્વ ધારાસભ્ય પ્રતાપ દુધાતે કહ્યું હતું કે, મને મહાભારતનો સીન દેખાય છે અમારો અભિમન્યુ નવ કોઠા વિંધી રૂપાલાને હરાવશે

સભામાં ધોળા દિવસે લાઈટ ગુલ થઈ
પરેશ ધાનાણીએ જણાવ્યું હતું કે, પરસેવો પાડીને ખાનારા અનેક લોકોને મહેનત કરવી છે પણ તક મળતી નથી. અથાક મહેનત કરવા છતાં બે ટાઈમ જમવા મળતું નથી. ત્યારે વિશ્વકર્મા દેવના ચરણોમાં આજે પ્રાર્થના કરી છે કે, હે પ્રભુ રાજકોટ અને ગુજરાત સહિત દેશનો પ્રત્યેક વ્યક્તિ કે જેને પરસેવો પાડી મહેનત કરવી છે તેના ઘરે બે ટાઈમ સ્વાભિમાનનો રોટલો તેના બાળકોને મળે તેવી વ્યવસ્થા ઉભી કરવા વિનંતી કરી છે. આ અહંકારની સરકાર સામે જન જનનાં સ્વાભિમાનની લડાઈનો શંખનાદ આજે રાજકોટથી થવા જઈ રહ્યો છે. રાજકોટની પ્રજા સરકારનો અહંકાર ઓગાળવામાં સાથ આપશે અને પોતાના આશીર્વાદ આપશે તેવો મને વિશ્વાસ છે.ધાનાણીએ જણાવ્યું હતું કે, સૌરાષ્ટ્રના પાટનગરમાં ધોળા દિવસે લાઈટ ગુલ થઈ આ વિકાસને હરાવવાનો છે.

પરેશ ધાનાણી અભિમન્યુ બની 9 કોઠા વિંધશે
સભામાં કોંગ્રેસના પૂર્વ ધારાસભ્ય પ્રતાપ દુધાતે કહ્યું હતું કે, મને મહાભારતનો સીન દેખાય છે અમારો અભિમન્યુ નવ કોઠા વિંધી રૂપાલાને હરાવશે.પરેશભાઈ નામાંકન કરવાં જાય તે પહેલાં ‘હે મા ખોડલ તું તેને શક્તિ આપ’,અભિમન્યુએ કહ્યું હતુ કે નવ કોઠા વિંધીશ તે રીતે પરેશ ધાનાણી અભિમન્યુ બની 9 કોઠા વિંધશે. 5 વર્ષ પહેલાં પાટીદાર યુવાનોના બલિદાનને યાદ કરજો. 22 વર્ષ પહેલાં આ જ રૂપાલાએ કહ્યું હતુ કે, આ દૂધ પીતા છોકરા શું કરી શકશે. આ જ યુવાને રૂપાલાને હરાવ્યા હતા. ત્યારે આ વખતે પણ આ જ રૂપાલાને ધાનાણી હરાવશે.સભામાં મોટી સંખ્યામાં કોંગ્રેસના આગેવાનો, કાર્યકરો, મહિલાઓ અને લોકો ઊમટી પડ્યા છે.

આ પણ વાંચોઃચૂંટણી પહેલાં AAPને મોટો ઝટકોઃ સ્ટાર પ્રચારક અલ્પેશ કથિરીયા અને ધાર્મિક માલવિયાનું રાજીનામું