પૂર્વ CM કેપ્ટન અમરિન્દરની પત્ની પ્રનીત કૌર ભાજપમાં જોડાયા, આ સીટ પરથી બનશે લોકસભા ઉમેદવાર
પંજાબ, ૧૪ માર્ચ : લોકસભા ચૂંટણીને લઈને પંજાબમાં હવે રાજકારણ ગરમાયું છે. રાજકીય પક્ષો વિવિધ રાજ્યોમાં પોતાના ઉમેદવારોના નામની જાહેરાત કરી રહ્યા છે. દરમિયાન, પટિયાલાના સાંસદ અને પૂર્વ સીએમ કેપ્ટન અમરિંદર સિંહની પત્ની પ્રનીત કૌર આજે ભાજપમાં જોડાઈ ગઈ છે. માનવામાં આવે છે કે ભાજપ તેમને પટિયાલા બેઠક પરથી લોકસભા ચૂંટણીમાં ઉતારી શકે છે.
ભાજપના ઉમેદવાર 30 વર્ષમાં પહેલીવાર અહીંથી ચૂંટણી લડશે
પ્રનીત કૌર પંજાબની પટિયાલા સીટથી ચાર વખત કોંગ્રેસના સાંસદ રહી ચૂક્યા છે. ભાજપ તેમને પટિયાલાથી સીટ આપી શકે છે કારણ કે તે છેલ્લા 25 વર્ષથી પટિયાલા લોકસભા સીટ પરથી ચૂંટણી લડી રહી છે. આ સાથે જ 30 વર્ષમાં આ પહેલીવાર બનશે જ્યારે આ સીટ પરથી બીજેપીનો કોઈ ઉમેદવાર ચૂંટણી લડશે.
#WATCH कांग्रेस से निलंबित सांसद और पंजाब के पूर्व सीएम अमरिंदर सिंह की पत्नी परनीत कौर आज दिल्ली में बीजेपी में शामिल हुईं। pic.twitter.com/JUEEzUTXRt
— ANI_HindiNews (@AHindinews) March 14, 2024
કોંગ્રેસે સસ્પેન્ડ કર્યા હતા
નોંધનીય છે કે કોંગ્રેસે 3 ફેબ્રુઆરી, 2023ના રોજ પાર્ટી વિરોધી ગતિવિધિઓના આરોપમાં પ્રનીતને સસ્પેન્ડ કરી દીધા હતા. જો કે, પ્રનીત કૌરે પાર્ટીમાંથી રાજીનામું આપ્યું ન હતું કારણ કે તે લોકસભાનું સભ્યપદ ગુમાવવા માગતી ન હતી. પ્રનીત પર આક્ષેપો થયા હતા કે તે સતત ભાજપના કાર્યક્રમોમાં હાજરી આપતી હતી. એટલું જ નહીં તેમણે રાહુલ ગાંધીની ભારત જોડો યાત્રામાં પણ ભાગ લીધો ન હતો.
