હેલ્ધી રિલેશન માટે અપનાવો આ ટિપ્સઃ સંબંધો કદી કમજોર નહીં પડે

• કોઇ પણ સંબંધને મજબૂત બનાવવા માટે એકબીજા સાથે વાતચીત કરવી જરૂરી
• આજકાલ કોઇને સામેવાળાની વાત સાંભળવાની પણ પડી નથી
• સંબંધોને બનાવવા જેટલા સરળ છે, તેટલું જ અઘરૂ છે તેને ટકાવી રાખવા

બદલતા જતા સમયમાં સંબંધો પણ બદલાઇ રહ્યા છે. જેનો અંત ખૂબ જ ખતરનાક આવી રહ્યો છે. છેલ્લા ઘણા સમયથી આપણે રોજ સવારે ન્યુઝપેપર ખોલીએ અને સંબંધોમાં તકરાર પોલીસસ્ટેશનો સુધી અને ક્યારેક ક્રાઇમ સુધી પહોંચે તેવી ઘટનાઓ પણ વાંચીએ છીએ. હસતા રમતા સંબંધોમાં લોકોને એટલી સમસ્યાઓ થઇ રહી છે કે ન પૂછો ને વાત. ક્યારેક આપણે એક બીજાને ફેસ કરવાનું પસંદ પણ કરતા નથી. ક્યારેક એવી સ્થિતિ આવે છે કે સંબંધો ખતમ થવાની અણી પર આવી જાય છે. ઘણી વખત કેટલીક વાતોને અપનાવીને સંબંધોને તૂટવાથી બચાવી શકીએ છીએ. જો તમને સંબંધોમાં કોઇ પ્રોબલેમ થઇ રહ્યો હોય તો આ ટિપ્સ અજમાવો. શક્ય છે કે તમારી સમસ્યાઓ દુર થઇ જાય.

અરસપરસ કરો વાતચીત

કોઇ પણ સંબંધને મજબૂત બનાવવા માટે એકબીજા સાથે વાતચીત કરવી જરૂરી છે. એક બીજા સાથે બેસીને પોતાના મનની વાતોને શેર કરો. તેનાથી તમારી અને તમારા પાર્ટનર વચ્ચેનો વિશ્વાસ વધશે. એકબીજાને સમજવામાં મદદ મળશે તેથી કોઇ પણ પરિસ્થિતિમાં તમારા પાર્ટનર સાથે વાત કરો.

ફીલીંગ્સની ઇજ્જત કરો

બદલાતી જતી લાઇફસ્ટાઇલમાં વ્યક્તિ એટલી વ્યસ્ત થઇ ગઇ છે કે તેને વાત સામેવાળાની વાત સાંભળવાની પણ પડી નથી. આવી સ્તિતિમાં મહત્ત્વનું છે કે એકબીજાની ભાવનાઓની કદર કરો. ફ્રી સમયમાં ફોન પર સમય વ્યતીત કરવાના બદલે તમારા પાર્ટનરને સમય આપો. તેને સમજવાની કોશિશ કરો. ભાવનાત્મક સંબંધો મજબૂત હોવા જરૂરી છે.

પાર્ટનરની વાત સાંભળો

સંબંધોને બનાવવા જેટલા સરળ છે, તેટલું જ અઘરૂ છે તેને ટકાવી રાખવા. વ્યસ્ત લાઇફસ્ટાઇલમાં લોકો પાસે એટલો સમય નથી કે તેઓ એકબીજાની વાતોને સમજી શકે. આમ તો સમય સૌની પાસે છે, પરંતુ બેસીને કોઇની વાત સાંભળવાનો સમય કોઇની પાસે નથી. સંબંધોને મજબૂત બનાવવા માટે તમારા પાર્ટનરની વાત સાંભળો. તમારા પાર્ટનરને ક્યારેય એવુ ન લાગવા દો કે તમે તેને ઇગ્નોર કરી રહ્યા છો.

વિશ્વાસ કરો અને ટકાવી રાખો

કોઇ પણ પ્રકારના સંબંધો માત્ર વિશ્વાસથી જ જીતી શકાય છે અને જીવી શકાય છે. સંબંધોમાં જો ભરોસો હશે તો મોટામાં મોટી સમસ્યા પાર કરી શકાય છે. તમે જો તમારા સંબંધોમાં ભરોસો નહીં રાખો તો સંબંધોને બચાવવા મુશ્કેલ બની જશે. તેથી ભરોસો રાખો અને સામેવાળાના ભરોસાને ટકાવી રાખો.

આ પણ વાંચોઃ અમદાવાદમાં હવે પ્રદૂષણ ઘટશે, એમિશન ટ્રેડિંગ સ્કીમ શરૂ થશે