અમેરિકાની એયર મિશન સિસ્ટમ ફેઈલ, ફ્લાઈટ સેવા ઠપ્પ
અમેરિકાની એયર મિશન સિસ્ટમ ફેઈલ થઈ ગઈ છે. જેના કારણે ફ્લાઈટ સેવા ઠપ્પ થઈ ગઈ છે. તમામ ફ્લાઈટ્સ બંધ કરી દેવામાં આવી છે. ટેક્નિકલ ખામીના કારણે ફ્લાઈટ સેવા પ્રભાવિત થઈ છે. ફેડરલ એવિએશન એડમિનિસ્ટ્રેશનના કોમ્પ્યુટરમાં ખામી સર્જાવાથી ફ્લાઈટ્સ પ્રભાવિત થઈ છે. તમામ એરપોર્ટ પર હજારો મુસાફરો ફસાયેલા છે. સિસ્ટમને પુનઃસ્થાપિત કરવાના પ્રયાસો કરવામાં આવી રહ્યા છે. તંત્ર કેટલા સમય સુધી પુનઃપ્રાપ્ત કરવામાં સક્ષમ હશે તે અંગે કંઈ જાણી શકાયું નથી.
The FAA is working to restore its Notice to Air Missions System. We are performing final validation checks and reloading the system now.
Operations across the National Airspace System are affected.
We will provide frequent updates as we make progress.
— The FAA ✈️ (@FAANews) January 11, 2023
ફેડરલ એવિએશન એડમિનિસ્ટ્રેશનએ પુષ્ટિ કરી છે કે યુનાઈટેડ સ્ટેટ્સ નોટિસ ટુ એર મિશન સિસ્ટમ નિષ્ફળ ગઈ છે. પાયલોટને ફ્લાઇટની સ્થિતિ સંબંધિત પરિસ્થિતિઓ વિશે જાણ કરવામાં આવી છે. પ્લેન ઉપડતા પહેલા આ જરૂરી છે. FAA તેની નોટિસ ટુ એર મિશન સિસ્ટમને પુનઃસ્થાપિત કરવા પર કામ કરી રહ્યું છે.
એક પ્રવક્તાએ જણાવ્યું હતું કે FAA તેની નોટિસ ટુ એર મિશન સિસ્ટમને પુનઃસ્થાપિત કરવા માટે કામ કરી રહ્યું છે. અમે હવે સિસ્ટમની તપાસ કરી રહ્યા છીએ અને તેને ફરીથી બનાવી રહ્યા છીએ. નેશનલ એરસ્પેસ સિસ્ટમની કામગીરીને અસર થઈ છે.
આ મામલે સતત અપડેટ આપવામાં આવી રહી છે. પરેશાન મુસાફરો સોશિયલ મીડિયા પર સતત જવાબ માંગી રહ્યા છે. તેઓ ઘણી સમસ્યાઓનો સામનો કરી રહ્યા છે. જાણવા મળ્યું છે કે 1200 ફ્લાઇટ્સ મોડી ચાલી રહી છે, જ્યારે 93 રદ કરવામાં આવી છે. તેની અસર અમેરિકામાં ઉતરતી ફ્લાઈટ્સ પર પણ જોવા મળી રહી છે.
તંત્રની નિષ્ફળતાને કારણે અરાજકતાનો માહોલ સર્જાયો છે.હવે વિમાનોને ઉડાન ભરવાની સૂચના આપવામાં આવી છે. FAA એ અન્ય ટ્વિટમાં કહ્યું છે કે FAA હજુ પણ નોટિસ ટુ એર મિશન સિસ્ટમને સંપૂર્ણ રીતે પુનઃસ્થાપિત કરવા માટે કામ કરી રહ્યું છે. કેટલાક કાર્યો લાઇન પર પાછા આવવા લાગ્યા છે, જ્યારે નેશનલ એરસ્પેસ સિસ્ટમની કામગીરી મર્યાદિત છે.
