50 કરોડથી વધુની રોકડ આવકવેરાએ જપ્ત કરી હોય એવા પાંચ મોટા કેસ

• કોંગ્રેસના રાજ્યસભા સાંસદ ધીરજ સાહુના ઘરે આવકવેરા વિભાગના દરોડા દરમિયાન 351 કરોડ રૂપિયાની રોકડ મળી આવી
• કોઈ એક વિભાગ દ્વારા કરવામાં આવેલ રેડમાં અત્યાર સુધીની સૌથી મોટી રોકડ મળી આવી

HD ન્યૂઝ ડેસ્ક, 11 ડિસેમ્બર: કોંગ્રેસ સાંસદ ધીરજ સાહુના ઘર પર આવકવેરા વિભાગના દરોડામાં અત્યાર સુધીમાં 351 કરોડ રૂપિયાની રોકડ મળી આવી છે. આ રોકડ અત્યાર સુધીની સૌથી મોટી રકમ છે. રોકડ રકમ એટલી મોટી છે કે માણસો નહીં મશીનો પણ નોટો ગણીને થાકી ગયા છે. આવકવેરા વિભાગનું માનવું છે કે બિનહિસાબી નાણાંનો આખો સ્ટોક ધીરજ સાહુ અને તેમના સંલગ્ન વેપારી જૂથો, વિતરકો અને અન્યોએ દેશી દારૂના રોકડ વેચાણમાંથી મેળવ્યો છે.

આવકવેરા વિભાગ જે અધિકારીઓ અને અન્ય કર્મચારીઓ સર્ચ ઓપરેશન દરમિયાન તે સ્થળ પર હાજર છે તેમના નિવેદનો નોંધી રહ્યા છે. આવકવેરા વિભાગ ટૂંક સમયમાં કંપનીના મુખ્ય પ્રમોટરોને તેમના નિવેદનો રેકોર્ડ કરવા માટે સમન્સ જારી કરશે. હજુ સુધી એ સ્પષ્ટ નથી થયું કે સાહુના ઘરેથી કેટલી રોકડ અને અન્ય દસ્તાવેજો જપ્ત કરવામાં આવ્યા છે.

આ પણ વાંચો: ધીરજ સાહૂના ઠેકાણેથી પાંચમા દિવસે રેકોર્ડબ્રેક રૂ. 350 કરોડની રોકડ જપ્ત, હજુ ગણતરી ચાલુ

રોકડ જપ્તીના પાંચ મોટા કેસ

અગાઉ 2019 માં કાનપુરમાંથી સૌથી વધુ રોકડ જપ્ત કરવામાં આવી હતી જ્યારે GST ઇન્ટેલિજન્સે એક વેપારીના ઘરે દરોડા પાડ્યા હતા અને 197 કરોડ રૂપિયાની રોકડ જપ્ત કરી હતી. 2018માં તમિલનાડુમાં આવો જ એક અન્ય કિસ્સો પ્રકાશમાં આવ્યો હતો જ્યાં આવકવેરા વિભાગે રોડ કન્સ્ટ્રક્શન ફર્મ સામે સર્ચ દરમિયાન 163 કરોડ રૂપિયાની રોકડ જપ્ત કરી હતી.

યુપી કાનપુર: 2021માં યુપીના કન્નૌજ અને કાનપુરમાં પરફ્યુમ બિઝનેસમેન પીયૂષ જૈનના સ્થળો પરથી 207 કરોડ રૂપિયા (196.54 કરોડ રૂપિયા રોકડ અને 23 કિલો સોનું) જપ્ત કરવામાં આવ્યું હતું. આ પછી વધુ પૂછપરછ માટે પિયુષની ધરપકડ કરવામાં આવી હતી અને પૂછપરછ અને કોર્ટ કાર્યવાહી બાદ તેને સપ્ટેમ્બર 2022માં જામીન મળ્યા હતા.

મહારાષ્ટ્ર: ઓગસ્ટ 2022 માં, આવકવેરા વિભાગે મહારાષ્ટ્રના જાલનામાં સ્ટીલ, કાપડના વેપારી અને એક રિયલ એસ્ટેટ ડેવલપર પર દરોડા પાડ્યા હતા, જેમાં વિભાગ દ્વારા મોટી માત્રામાં બેનામી સંપત્તિ મળી આવી હતી. આવકવેરા વિભાગ દ્વારા આશરે રૂ. 390 કરોડની બેનામી સંપત્તિ જપ્ત કરવામાં આવી હતી, જેમાં રૂ. 58 કરોડ રોકડ, 32 કિલો સોનું, હીરા અને મોતી અને મિલકતના ઘણા દસ્તાવેજોનો સમાવેશ થાય છે.

તમિલનાડુ: 2018 માં તમિલનાડુમાં આવકવેરા વિભાગે હાઇવે નિર્માણ કાર્યમાં રોકાયેલી એક કંપનીના પરિસરમાં દરોડા દરમિયાન 163 કરોડ રૂપિયા રોકડા અને 100 કિલો સોનું જપ્ત કર્યું હતું.

પશ્ચિમ બંગાળ: જ્યારે તૃણમૂલ કોંગ્રેસ સરકારમાં પૂર્વ મંત્રી પાર્થ ચેટર્જી અને તેની સહયોગી અર્પિતા મુખર્જી પર EDએ દરોડા પાડ્યા ત્યારે 49.80 કરોડ રૂપિયા રોકડા, ઘણી સંપત્તિ, જ્વેલરી અને સોનાના બાર મળી આવ્યા હતા. આ રોકડ અર્પિતા મુખર્જીના એપાર્ટમેન્ટમાંથી મળી આવી હતી.

ઘરમાંથી બિનહિસાબી રોકડ મળી આવે તો શું થાય ?

ઘરમાં ઘણી રોકડ મળી આવે તો શું તે કાળું નાણું છે? જવાબ એ છે કે રોકડ હંમેશા કાળું નાણું નથી હોતું પરંતુ મોટા ભાગના કિસ્સાઓમાં કાળા નાણાનો વેપાર રોકડમાં જ થાય છે. ઘણા લોકો અથવા ઉદ્યોગપતિઓ ઘરમાં ઘણી રોકડ રાખે છે, આમાં આશ્ચર્યજનક કંઈ નથી. જો આવકવેરા વિભાગના દરોડા દરમિયાન તમારા ઘરમાંથી ઘણી રોકડ મળી આવે છે, તો સૌ પ્રથમ તમારે તે નાણાંનો કાયદેસર સ્ત્રોત જાહેર કરવો પડે છે. જો તમે એ પૈસા ક્યાંથી આવ્યા એન દર્શાવી શકો તો આવકવેરા વિભાગ તે જપ્ત કરે છે અને તમારે 137 ટકા સુધીનો દંડ ચૂકવવો પડી શકે છે.

પૈસા ક્યાંથી આવ્યા તે દર્શાવતાં જ તમારા પૈસા તમને પરત મળી જાય છે

જો તમારા ઘરેથી વધારે પડતી રોકડ મળી આવે છે અને તે રોકડ આવકવેરા વિભાગ પકડે છે તો તમારે આવકવેરા વિભાગને આ રોકડ ક્યાંથી આવી તે દર્શાવવાનું રહે છે. જો તમારી રોકડ તમારા ધંધામાંથી જ આવી હોય છે એ તમે દર્શાવો છો અને એનો ટેક્સ તમે ભરેલો છે તો એ રોકડ તમને મળી જાય છે. અન્યથા જો તમે તે રોકડ ક્યાંથી આવી તે નથી દર્શાવી શકતા તો તે રોકડ આવકવેરા વિભાગ જપ્ત કરે છે અને તમને સજા પણ કરાવી શકે છે. એ જ રીતે ધીરજ સાહુના કેસમાં પણ થશે. જો એ રકમ ગેરકાયદેસર રીતે ભેગી કરવામાં આવી હશે તો ધીરજ સાહુની પણ રકમ જપ્ત કરવામાં આવશે અને ફોજદારી કલમો હેઠળ કેસ નોંધવામાં આવશે. આ ઉપરાંત જપ્ત કરાયેલા પૈસા પણ ધીરજ સાહુને પાછા મળવાને પાત્ર રહેશે નહીં.

આ પણ વાંચો: કલમ 370 નાબૂદી યોગ્ય, 30 સપ્ટેમ્બર, 2024 સુધીમાં કાશ્મીરમાં ચૂંટણી યોજવા SCનો નિર્દેશ