રાયોટિંગના ગુન્હાના પાંચ આરોપીઓ અમીરગઢના રાબારીયાથી ઝડપાયા

પાલનપુર: અમીરગઢ પોલીસ સ્ટેશનના રાયોટિંગના ગુનામાં નાસતા ફરતા આરોપીઓને બનાસકાંઠા પેરોલ ફર્લો સ્કવોડે અમીરગઢના રબારી ખાતેથી ઝડપી પાડયા છે.
પેરોલ ફર્લો સ્કવોડે પાંચે આરોપીને અમીરગઢ પોલીસને સોંપ્યા
બનાસકાંઠા પેરોલ ફર્લો સ્કવોડના કર્મચારી અમીરગઢ તાલુકાના રબારીયા વિસ્તારમાં પેટ્રોલિંગમાં હતા. તે સમયે અમીરગઢ ગુનામાં નાસતા ફરતા આરોપીઓની તપાસ દરમિયાન ખાનગી રાહે બાતમી મળી હતી. જેમાં 1. કાળાભાઈ તાઇવર,2. નગાભાઈ તાઇવર, 3. મનોજભાઈ તાઇવર, 4. સુરેશભાઈ તાઇવર, 5. નાનાભાઈ તાઇવરને રબારીયા ગામેથી બનાસકાંઠા પેરોલ ફર્લો સ્કોડ દ્વારા ઝડપી પાડી આગળની કાર્યવાહી કરવા અમીરગઢ પોલીસને સોપી વધુ તપાસ હાથ ધરી છે.