પક્ષીઓની જેમ હવામાં ઊડતી માછલી! આ Flying Fishના નામ પરથી બની છે મિસાઈલ, જાણો

• પાણીની સપાટી પર ઉડતી માછલીઓ મોટાભાગે 650 ફૂટ સુધી ઊડતી હોય છે

નવી દિલ્હી, 20 ઓગસ્ટ: માછલીઓ ઘણીવાર દરિયા અને નદીઓમાં તરતી કે ડૂબકી મારતી જોવા મળે છે. કેટલીકવાર કેટલીક માછલીઓ પાણીની ઉપર આવતી જોવા મળે છે. પરંતુ પાણીની સપાટી પર ઉડતી માછલીઓ પણ હોય છે. જે ઘણા 100 મીટર સુધી પાણી પર ખૂબ જ ઝડપે ઉડે છે. મોટાભાગની માછલીઓ 650 ફૂટ સુધી ઊડતી હોય છે. આવો જાણીએ આ માછલી વિશે…

Have you ever seen a flying fish?

It can glide for up to 200 meters (650 feet), but the longest known flying fish flight was 400 meters (1300 feet) traveling at a speed of more than 70 km/h (45 mph).pic.twitter.com/2pcethvoSM

— Massimo (@Rainmaker1973) August 18, 2024

પક્ષીઓની જેમ ઊડતી માછલી

આ સિવાય સૌથી દૂર ઉડતી માછલીનો રેકોર્ડ 1300 ફૂટનો છે. આ માછલી 70 કિલોમીટર પ્રતિ કલાકની ઝડપે પાણીની ઉપર ઉડે છે. તેનું સાચું નામ એક્ઝોસોટીડે(Exocoetide) છે. તે મરીન રે-ફિન્ડ  માછલીઓના પરિવારની માછલી છે.

વિશ્વભરમાં આ માછલીની લગભગ 64 પ્રજાતિઓ છે. તેઓ પક્ષીઓની જેમ ઉડી શકતી નથી, પરંતુ તેઓ પાણીની સપાટી પર ગ્લાઈડ કરે છે. તે એક કૂદકો માર્યા પછી, પોતાની ફિનની મદદથી લાંબા અંતર સુધી ઝડપથી પાણીની સપાટીની ઉપરની હવામાં તરે છે. તે આ ત્યારે કરે છે જ્યારે તેને લાગે છે કે તેનો શિકાર થઈ શકે છે.

ટૂના, સ્વોર્ડફિશ…માર્લિન જેવી માછલીઓ પણ દરિયાથી ઉપર ઉડે છે.

માછલીની પ્રજાતિઓ જે દરિયાથી સપાટી ઉપર હવામાં ડૂબકી મારે છે તેમાં સ્વોર્ડફિશ, મેકરેલ, ટુના અને માર્લિનનો સમાવેશ થાય છે. પરંતુ હવામાં ઉડવું પણ તેમના માટે જોખમી છે, કારણ કે તેમના પર પછી શિકારી પક્ષીઓ દ્વારા હુમલો કરવામાં આવે છે. જો કોઈએ આ માછલીને જોવી હોય તો વિશ્વનું સૌથી શ્રેષ્ઠ સ્થળ બાર્બાડોસ છે.

બાર્બાડોસ ઉડતી માછલીઓનો દેશ, અહીં આવી ઘણી બધી માછલીઓ છે

બાર્બાડોસને ‘ધ લેન્ડ ઓફ ધ ફ્લાઈંગ ફિશ’ કહેવામાં આવે છે. આ માછલી બાર્બાડોસનું રાષ્ટ્રીય પ્રતીક પણ છે. એક્સોસેટ એન્ટી શિપ મિસાઈલનું નામ પણ આ માછલીના નામ પરથી રાખવામાં આવ્યું છે, કારણ કે તે મિસાઈલ પણ દરિયાથી ઉપર ઓછી ઉંચાઈ પર ઉડવાની ક્ષમતા ધરાવે છે. બ્રહ્મોસ મિસાઈલ પણ આટલી જ શક્તિ ધરાવે છે.

70 કિલોમીટર પ્રતિ કલાકની ઝડપે હવામાં 20 ફૂટ ઉપર ઉડી શકે છે

મે 2008માં, જાપાની ટેલિવિઝન ક્રૂએ જાપાનમાં યાકુશિમા ટાપુ પાસે ઉડતી માછલી જોઈ. ત્યારે તે માછલી 45 સેકન્ડ સુધી પાણીની ઉપર ઉડી. જેથી 42 સેકન્ડનો જૂનો રેકોર્ડ તૂટી ગયો હતો. તે દરિયાથી ઉપર મહત્તમ 20 ફૂટ એટલે કે 6 મીટરની ઊંચાઈ સુધી ઉડી શકે છે. તે મહત્તમ 100થી 400 ફૂટના અંતરે ઉડે છે. ઉડતી વખતે તેની મહત્તમ ઝડપ 70 કિલોમીટર પ્રતિ કલાક છે.

આ પણ જૂઓ: શ્રાવણમાં રુદ્રાભિષેકનું શું છે મહત્ત્વ? ઘરે કેવી રીતે કરશો? શું રાખશો ધ્યાન?