તમિલનાડુમાં ફટાકડાની ફેક્ટરીમાં વિસ્ફોટ, 5 મહિલાઓ સહિત 7 કામદારોએ જીવ ગુમાવ્યા
તમિલનાડુ, 09 મે : તમિલનાડુના શિવાકાશીમાં ફટાકડાની ફેક્ટરીમાં વિસ્ફોટ થયો છે. આ વિસ્ફોટમાં 5 મહિલાઓ સહિત 7 કામદારોના મોત થયા છે. તમિલનાડુ પોલીસે આ જાણકારી આપી છે. ઉલ્લેખનીય છે કે, દેશમાં વપરાશના ફટાકડાના 90 ટકા શિવકાશી અને આસપાસના વિસ્તારોમાં બનાવવામાં આવે છે.
VIDEO | Several killed in an explosion at a firecracker factory near Tamil Nadu’s Sivakasi. More details awaited. pic.twitter.com/T0O5qJkNDw
— Press Trust of India (@PTI_News) May 9, 2024
.
એક વરિષ્ઠ પોલીસ અધિકારીએ જણાવ્યું કે ઘાયલોમાં એક વ્યક્તિની હાલત અત્યંત નાજુક છે. આ ફટાકડાની ફેક્ટરીમાં 50 થી વધુ રૂમમાં 200 થી વધુ લોકો કામ કરે છે. આવી સ્થિતિમાં આજે જ્યારે કામદારો રાબેતા મુજબ કામ કરી રહ્યા હતા ત્યારે ઘર્ષણના કારણે ભયાનક વિસ્ફોટ થયો હતો. એક રૂમમાં થયેલો વિસ્ફોટ બાજુના રૂમમાં ફેલાઈ ગયો હતો. ઈમારત ધરાશાયી થઈ અને સાત રૂમ જમીનદોસ્ત થઈ ગયા હતા.
વાસ્તવમાં શિવકાશી ભારતની ફટાકડાની રાજધાની છે. તેનું વાર્ષિક ટર્નઓવર રૂ. 6,000 કરોડ છે અને તે 1 લાખથી વધુ લોકોને પ્રત્યક્ષ અને લગભગ 2.5 લાખ લોકોને પરોક્ષ રીતે રોજગારી આપે છે.
આ પણ વાંચો : માત્ર સલમાન ખાન જ નહીં, અન્ય બે કલાકારોના ઘરની પણ રેકી કરાઈ હતી, ધરપકડ કરાયેલા રફીકની કબૂલાત
